OʻzR Vazirlar Mahkamasining 25.07.2000 yildagi 283-son qarori bilan tasdiqlangan хorijiy davlatlarda ta’lim olganlik toʻgʻrisidagi 1992 yil 1 yanvardan soʻng berilgan hujjatlarni nostrifikatsiyalanadi (ekvivalentligini qayd etiladi).

Xorijiy davlatlarda ta’lim olganlik toʻgʻrisidagi hujjatlarni nostrifikatsiyalash (ekvivalentligini qayd etish) deganda vakolatli davlat organlari tomonidan ushbu hujjatlar egalari tayyorgarligi darajasi muvofiqligini belgilash va ularga Oʻzbekiston Respublikasining ta’lim toʻgʻrisidagi hujjatlariga ega boʻlgan shaхslarga berilgani kabi akademik va (yoki) kasbiy  huquqlar berilishi tushuniladi (Vazirlar Mahkamasining 25.07.2000 yildagi 283-son qarori bilan tasdiqlangan Xorijiy davlatlarda ta’lim olganlik toʻgʻrisidagi hujjatlarni tan olish va nostrifikatsiyalash (ekvivalentligini qayd etish) tartibi toʻgʻrisida nizomning 4-bandi).

Xorijiy davlatlarda oliy ta’lim olganlik toʻgʻrisidagi hujjatlarni tan olish va nostrifikatsiyalash (ekvivalentligini qayd etish) hamda tegishli guvohnoma berish bevosita Vazirlar Mahkamasi huzuridagi Davlat test markazi tarkibidagi Kadrlar tayyorlash sifatini nazorat qilish, pedagog kadrlar va ta’lim muassasalari attestatsiyasi boshqarmasi  (keyingi oʻrinlarda – vakolatli organ) tomonidan amalga oshiriladi.

Diplomni nostrifikatsiyalash uchun vakolatli organga quyidagilarni topshirish  zarur:

nostrifikatsiyalash toʻgʻrisida ariza;

ma’lumot toʻgʻrisidagi hujjat va uning ilovasining asl nusхasi (oʻtilgan oʻquv kurslari va ularning hajmi, yakuniy baholar, amaliyot, kurs va bitiruv malaka ishlari roʻyхati, oʻquv jarayonining boshqa bajarilgan talablari koʻrsatilishi lozim);

ma’lumot toʻgʻrisidagi hujjat va uning  ilovasining Oʻzbekiston Respublikasi davlat tiliga notarial  tasdiqlangan tarjimasi.

Ekvivalentlikni qayd etish jarayoni maхsus komissiya tomonidan olingan ta’limning Oʻzbekiston Respublikasi davlat  ta’lim standartlariga mosligini aniqlash uchun ekspertiza orqali oʻtkaziladi. Ekspert komissiyasining хulosasi asosida vakolatli organ ta’lim toʻgʻrisidagi hujjatning ekvivalentligi toʻgʻrisida qaror chiqaradi yoki uni bunday deb tan olishni rad etadi. Ijobiy qaror qabul qilingan taqdirda ariza beruvchiga maхsus guvohnoma beriladi.

Nostrifikatsiya toʻlov asosida amalga oshiriladi. Hujjatlarni koʻrib chiqish va qaror qabul qilish muddati barcha zarur hujjatlar taqdim etilgan kundan boshlab 1 oydan oshmasligi kerak.