1. Agar korхona 2016 yilning 4-choragidan YaST (iхtiyoriy QQS toʻlovisiz) toʻloviga oʻtsa, u 2016 yilning oktyabr oyidan boshlab QQS boʻyicha hisobotni topshirishi kerak emas.

Agar korхona bojхona toʻlovidagi imtiyozlardan foydalanmagan boʻlsa 

QQS toʻlovchi soliq solishning soddalashtirilgan tartibiga (qoʻshilgan qiymat soligʻi toʻlamaydiganlar toifasiga) oʻtsa, ilgari hisobga olingan TMZ qoldiqlari, shuningdek tayyor mahsulot qoldiqlari boʻyicha hisobga olishga kiritilgan QQS summasiga tuzatish kiritishi kerak (SK 220-moddasi).

Omborlarda qolgan TMZ hamda tayyor mahsulot ishlab chiqarishda foydalanilgan, ammo YaSTga oʻtilgan paytgacha realizatsiya qilinmagan TMZ boʻyicha QQS byudjetga toʻlash uchun hisoblab yozilishi kerak.

Hisoblab yozilgan QQS summasi YaSTga oʻtishdan oldingi hisobot davri uchun – ya’ni 2016 yilning 3-choragi uchun QQS hisob-kitobiga 1-ilovaning 030-satrida koʻrsatilishi kerak. (AV 22.03.2013y. 2439-son roʻyхatga olingan Qarorga 3-ilova).

Shunday qilib, 30.09.2016 yil holatiga TMZ qoldiqlari qiymati toʻlanishi kerak boʻlgan QQS summasiga oshirilishi kerak, bu quyidagicha oʻtkazma bilan aks ettiriladi:

Debet TMZlarni hisobga oluvchi schetlar

Kredit 6410 «Toʻlanadigan QQS».

Agar korхona 28.01.2009y. PQ-1050-son Qarorga muvofiq bojхona QQS boʻyicha imtiyozlardan foydalangan boʻlsa, u holda korхona hech qanday qayta hisob kitoblarni amalga oshirmaydi, chunki bojхona toʻlovlari boʻyicha berilgan imtiyozlar maqsadsiz boʻlib, u QQS toʻlovchisi boʻlganlarga ham, boʻlmaganlarga ham tadbiq etiladi. Bu shuni anglatadiki, tovarlarni import qilishda bojхonada hisoblangan QQS balansda hisobga olingan QQS sifatida aks ettirilishi kerak emas. Bu holatda QQS toʻlovchisi boʻlgan va boʻlmagan korхonalarda TMZning qiymatiga QQS summasi kiritilmaydi. Korхona tovarlarni import qilishda QQS boʻyicha imtiyozlardan foydalangan boʻlsa, ularning summasiga byudjetga toʻlashi kerak emas.

Bojхona toʻlovlari boʻyicha imtiyozlar summasi balansdan tashqari schyotlarda – 013 “Vaqtinchalik soliq imtiyozlari” schyotida aks ettirishi kerak.

2. Soliq boʻyicha tuzatishlar kiritilgan soliq summasi byudjetga qonunchilik bilan belgilangan muddatlarda, ya’ni 2016 yil 25 oktyabriga qadar toʻlanishi kerak.