Soatbay haq toʻlashning eng kam miqdori iqtisodiyotni tegishli tarmoq va sohalari boʻyicha ish haqiga oid davlat statistika ma’lumotlari asosida aniqlanadi. 

Mehnatga soatbay haq toʻlashning eng kam miqdori iqtisodiyotning tegishli tarmogʻida oʻrtacha oylik ish haqidan kelib chiqqan holda quyidagi formula boʻyicha aniqlanadi:

 MS’HTEKM (soʻm) = oʻoIH :oʻoIVF : Ki

bunda:

MS’HTEKM - mehnatga soatbay haq toʻlashning eng kam miqdori;

oʻoIH - hisobot davrida iqtisodiyotning tegishli tarmogʻida vujudga keladigan oʻrtacha oylik ish haqi;

oʻoIVF - hisobot davrida ish vaqtining bir me’yorda davom etishidagi ish vaqtining oʻrtacha oylik fondi;

Ki - iqtisodiyotning aniq tarmogʻi korхonalarida ishning oʻrtacha razryad tarif koeffitsiyentining nolli razryad tarif koeffitsentiga nisbatini aks ettiradigan toʻgʻrilovchi koeffitsiyent (AV 29.09.2000y. №975-son Nizomning 11-bandi).

Hisobot davri uchun oʻrtacha oylik ish haqi iqtisodiyotning tarmoq va sohalari boʻyicha ish haqiga oid davlat statistika ma’lumotlari asosida belgilanadi.

Sizning tarmoqdagi va hududingizdagi oʻrtacha ish haqi boʻyicha ma’lumot olish uchun davlat statistika organlariga yozma ravishda murojaat qilishingizni maslahat beramiz.