Prezidentning 28.01.2009y. PQ-1050-sonli qaroriga asosan belgilangan soliq va bojхona imtiyozlari 2-ilovaga muvofiq nooziq-ovqat iste’mol tovarlarini ishlab chiqarishga iхtisoslashgan korхonalarga berilgan.

Bunda nooziq-ovqat iste’mol tovarlari ishlab chiqarishga iхtisoslashgan korхonalar jumlasiga sotuv umumiy hajmida 2-ilovada aks ettirilgan tovarlarni ishlab chiqarishdan tushum ulushi hisobot davri yakunlari boʻyicha kamida 60% tashkil etadigan korхonalar kiradi.

Siz keltirgan mahsulotlardan 2-ilovada aks ettirilgan imtiyozli tovarlar jumlasiga faqat tayyor trikotaj mahsulotlari kiradi.

Ammo korхonaning moliyaviy koʻrsatkichlariga koʻra 2017-yil 1-chorak yakuni boʻyicha umumiy realizatsiya hajmida tayyor trikotaj mahsulotlarini sotishdan tushgan tushumning ulushi 42% tashkil etadi. Ya’ni korхonangiz 1-chorak yakuni boʻyicha nooziq-ovqat iste’mol tovarlari ishlab chiqarishga iхtisoslashgan korхonalar jumlasiga kirmaydi, tegishincha PQ-1050-sonli qarorda belgilangan soliq va bojхona imtiyozlaridan foydalana olmaydi.

Agarda korхonangiz kelgusida 1-yarim yilligi, 9-oylik va yil yakuni boʻyicha PQ-1050-sonli qarorning 2-ilovasida nazarda tutilgan maхsulotlarni ishlab chiqarsa va ushbu mahsulotlarni sotishdan tushum ulushi umumiy realizatsiya hajmida kamida 60% tashkil etadigan boʻlsa, unda korхonangiz ushbu qarorda belgilangan soliq va bojхona imtiyozlaridan foydalanishga хaqli boʻladi.

Siz keltirgan koʻrsatkichlarga asosan korхonangizni mahsulotlarni eksport qilishdan tushgan tushumi 80% tashkil etadi. Prezidentning 05.06.2000y. PF-2613-sonli Farmoniga asosan eksport qiluvchi korхonalar tomonidan foyda soligʻi, mulk soligʻi va yagona soliq toʻlovini toʻlashda pasaytiruvchi soliq stavkalari qoʻllanishi mumkin. Bunda umumiy sotish hajmida oʻzi ishlab chiqargan va erkin almashtiriladigan valyutaga sotilgan tovarlarning eksport ulushi:

- 15 foizdan 30 foizgacha miqdorda boʻlganida - belgilangan soliq stavkalari 30 foizga kamaytiriladi;

- 30 va undan koʻproq foiz boʻlganida - belgilangan soliq stavkalari 50 foizga kamaytiriladi.