Savolning ID si: 8680
Tashkilot oʻtgan yildagi soliq hisobotini notoʻgʻri topshirgan. Mazkur soliq turi boʻyicha hisoblangan summa soliq organlariga muddatidan oʻtib toʻlab berildi va bunda penya ham hisoblanib, penya ham toʻliq toʻlab berildi. Joriy yilda soliq summasining kamayish tomoniga aniqlashtirilgan soliq hisoboti topshirildi.
Aniqlashtirilgan soliq hisobotidan soʻng hisoblangan penya ham qayta hisob-kitob qilinishi kerakmi? Agar mavjud penya toʻliq toʻlab berilgan boʻlsa ham, aniqlashtirilgan soliq hisoboti natijasida ortiqcha hisoblangan penya yuridik shaхsning shaхsiy kartochkasida kamayishi kerakmi?
Ekspertlarning javoblari:
Ha, aniqlashtirilgan hisobotda kamaygan soliq summasiga hisoblangan penya belgilangan tartibda oldindan toʻlov hisobga olinadi va qaytariladi.
Agar aniqlashtirilgan soliq hisoboti boʻyicha hisoblab chiqarilgan soliq yoki boshqa majburiy toʻlov summasi ilgari taqdim etilgan soliq hisoboti boʻyicha hisoblab chiqarilgan va toʻlangan soliq yoki boshqa majburiy toʻlov summasidan kam boʻlsa, aniqlashtirilgan soliq hisoboti taqdim etilgan kundan e’tiboran shaхsiy varaqada soliq yoki boshqa majburiy toʻlov summasi tafovut miqdoriga kamaytirilganligi aks ettiriladi (SKning 46-moddasi 3-qismi). Soliqlar, boshqa majburiy toʻlovlar, penyalarning ortiqcha toʻlangan summasi Soliq Kodeksining 10-bobida belgilangan tartibda hisobga olinadi yoki qaytariladi.
Ekspertlarning javoblari ularning fikrlarini aks ettiradi va Siz mustaqil qaror qabul qilishingiz uchun aхborot asosini yaratadi. Ushbu servisdan foydalanishda Siz sayt orqali savol bera turib, ularga rozi boʻlgan
qoidalarga
amal qilinadi. Barcha savol va javoblarni erkin koʻrish mumkin.
Javoblar ular e’lon qilingan sanada dolzarb hisoblanadi.
Telegram kanali 