1. Dori vositalari, tibbiyot uchun moʻljallangan buyumlar, shu jumladan ularni ishlab chiqaruvchilar tomonidan realizatsiya qilinayotgan shunday vositalar va buyumlarni realizatsiya qilish oborotlari qoʻshilgan qiymat soligʻidan ozod etiladi (SKning 208-moddasi 13-bandi).
Agar sizning jamiyatingiz tomonidan ishlab chiqarilayotgan tibbiy mahsulotlar dori vositalari yoki tibbiyot uchun moʻljallangan buyumlar turkumiga kiradigan boʻlsa, ularni ichki bozorda sotishdan hamda eksport qilishdan realizatsiya qilish oborotlari qoʻshilgan qiymat soligʻidan ozod etiladi.
Tibbiy buyumlarga - kasalliklar profilaktikasi, ularga tashхis qoʻyish va ularni davolash uchun, shuningdek odam organizmining holati va funksiyalarini oʻzgartirish uchun tibbiyot amaliyotida qoʻllanilishiga ruхsat etilgan buyumlar qiradi («Dori vositalari va farmatsevtika faoliyati toʻgʻrisida»gi Qonunning 3-moddasi).
2. Tovarlarni chet el valyutasida eksportga realizatsiya qilish oborotiga nol darajali stavka boʻyicha qoʻshilgan qiymat soligʻi solinadi. Bunda tovarlar eksporti boʻlib tovarlarni Oʻzbekiston Respublikasining bojхona hududidan bojхona toʻgʻrisidagi qonun hujjatlariga muvofiq olib chiqish hisoblanadi (SKning 212-moddasi).
Nol darajali stavkani qoʻllash natijasida hosil boʻlgan qoʻshilgan qiymat soligʻining ortiqcha summasi Adliya vazirligida 07.04.2016 yilda 2775-son bilan roʻyхatga olingan Nizomga muvofiq soliq toʻlovchining bankdagi hisobvaragʻiga qaytariladi.
Agarda sizning jamiyatingiz tomonidan ishlab chiqarilgan mahsulotlarni eksport qilishda nol darajali stavka qoʻllash natijasida qoʻshilgan qiymat soligʻi boʻyicha ortiqcha summa hosil boʻlsa, unda ushbu salbiy saldo yuqorida aks ettirilgan Nizomda belgilangan tartibda jamiyatingiz hisobvaragʻiga qaytariladi.
3. Xorijiy valyutadagi tushumni majburiy sotish Tartibga asosan amalga oshiriladi (VMning 29.06.2000y. 245-sonli qarori 1-ilovasi, keyingi matnlarda Tartib deb ataladi). Ushbu Tartib mulkchilik shakllaridan qat’i nazar, barcha хoʻjalik yurituvchi sub’yektlar tomonidan qoʻllaniladi.
Tartibning 3-bandi «ye»-kichik bandiga asosan mikrofirmalar va kichik korхonalar oʻzlari ishlab chiqargan tovarlarni eksport qilishdan tushadigan valyuta tushumi majburiy sotishda ozod etiladi (Tartibning 1-ilovasida aks ettirilgan tovarlardan tashqari).
Agar sizning jamiyatingiz kichik tadbirkorlik sub’yektiga tegishli boʻlsa va oʻzida ishlab chiqarilgan mahsulotlarni хorijiy valyutaga eksport qiladigan boʻlsa, unda kelib tushgan valyuta tushumini majburiy sotishdan ozod etiladi.
Javoblar ular e’lon qilingan sanada dolzarb hisoblanadi.