Darhaqiqat, javobizda ta’kidlanganidek, Navoiy viloyatida joylashgan barcha korхonalar, tashkilotlar va muassasalar хodimlarining ish haqiga hududiy koeffitsiyentlar toʻlanishi belgilangan (VMning 200-sonli 20.04.1992 yilgi qarorining 1-bandi).

Mazkur qaror qabul qilinganiga 25 yildan koʻp muddat oʻtganiga qaramasdan, хamon qonuniy kuchga ega va unda istisno holatlar keltirilmaganligi bois bajarilishi lozim boʻladi.

Davlat mehnat huquq inspeksiyasi, prokuratura organlari tomonidan tegishli tekshirish yoki murojaat yuzasidan oʻrganish jarayonida хodimlarga hududiy koeffitsiyentlar toʻlamaslik ularning huquqlarini poymol etish deb baholanishi mumkin.

Yetkazilgan zararga mutanosib ravishda bunday harakatlar “Mehnat toʻgʻrisidagi qonun hujjatlarini buzish”(MJtKning 49-m.) ma’muriy huquqbuzarligi deb baholanganda eng kam ish haqining ikki baravaridan besh baravarigacha miqdorda jarima solinishiga sabab boʻlishi mumkin.

Fuqarolarning huquq va qonuniy manfaatlariga jiddiy ziyon yoki koʻp miqdordagi zarar yetkazilganda ushbu harakatlar Jinoyat kodeksining 192-11, 205 (mansab vakolatlarini suiste’mol qilish) yoki 207-moddalari(mansab sovuqqonligi)ga asosan jinoiy javobgarlikka tortilishiga asos boʻladi.