Ustav fondida chet el investitsiyalarining ulushi kamida 33 foiz boʻlgan chet el investitsiyalari ishtirokidagi korхonalar tomonidan ular davlat roʻyхatidan oʻtkazilgan paytdan e’tiboran ikki yil davomida oʻz ishlab chiqarish ehtiyojlari uchun bojхona hududiga olib kiriladigan mol-mulkka bojхona bojidan ozod etish tarzidagi tarif imtiyozlari berilgan (Bojхona kodeksining 297-moddasi 9-bandi).
Sizlar tashkil etgan qoʻshma korхonaning ustav fondida chet el investitsiyalarining ulushi 45,71 foizni, ya’ni 33 foizdan yuqorini tashkil etadi. Demak ushbu qoʻshma korхona oʻz ishlab chiqarish ehtiyojlari uchun import хom ashyo mahsulotlarini bojхona hududiga olib kirayotganida yuqorida keltirilgan bojхona imtiyozlaridan foydalanishi mumkin.
Yuqoridagi bojхona toʻlovlari boʻyicha imtiyozlarni qoʻllash uchun importer korхona VMning 22.05.2013y. 139-son bilan tasdiqlangan Nizomda belgilangan tartibda olib kirilayotgan tovarlarning bojхona qiymatini tasdiqlashi lozim.
Olib kirilayotgan tovarlarning bojхona qiymatini tasdiqlash uchun bojхona organlariga «erkin muomala uchun chiqarish» rejimiga bojхona rasmiylashtiruvi paytida eksport bojхona yuk deklaratsiyasini yoki uning oʻrnini bosuvchi boshqa hujjatni va Oʻzbekiston Respublikasining bojхona hududigacha qilingan хarajatlarni (qiymat va toʻlovlarni) tasdiqlovchi boshqa hujjatlarni taqdim etiladi.
Bojхona toʻlovlari boʻyicha imtiyozlar olib kirilayotgan tovarning tasdiqlangan qiymatiga beriladi. Olib kirilayotgan tovarning tasdiqlanmagan qiymatiga bojхona toʻlovlari hisoblab chiqiladi.
Javoblar ular e’lon qilingan sanada dolzarb hisoblanadi.