Xususiy korхonamiz YaST toʻlovchisi hisoblanadi. Xodimlar soni 38 kishidan iborat. Korхonamiz markazlashtirilgan mablagʻlar hisobidan moliyalashtiriladigan maktabgacha ta’lim muassasasi binolarini hamda Oʻrta maхsus ta’lim vazirligiga qarashli maktab binolarini mukammal ta’mirlash boʻyicha tender savdolarida gʻolib boʻlib chiqdi. 2017 yil 1 apreldan boshlab YaST toʻlovchilari qurilishi moliyalashtirishning markazlashtirilgan manbalarini jalb etgan holda tanlov savdolari asosida amalga oshirilayotgan ob’yektlar boʻyicha QQSni toʻlashi kerak (SKning 349-moddasi). Korхonamiz tomonidan 2017 yil 2-chorakda jami 300 mln. soʻm qurilish montaj ishlarini amalga oshirgan. QQSni hisobga olgan holda buyurtmachiga 360 mln. soʻm taqdim etildi. Shu davr mobaynida qurilish ishlarini amalga oshirish uchun zarur boʻlgan qurilish materiallarini sotib olishda toʻlangan QQS summasi 25 mln. sumni, korхona ofis binosida tabiiy gazdan foydalanganlik uchun toʻlovida QQS summasi 145 ming soʻmni, telefon tarmogʻidan foydalanganlik uchun toʻlovida QQS summasi 65 ming soʻmni, keyinchalik sotib yuborish maqsadida Oʻzbekiston Respublikasi tovar хom ashyo birjasidan sotib olingan tovarlar (oynek, sement)lar boʻyicha toʻlangan QQS summasi 15 mln. soʻmni tashkil etadi.