Yoʻq, koʻrsatilmaydi.

Daval хom ashyosini qayta ishlashga shartnoma tuzilganda, «Qayta ishlashga berilgan хom ashyo bilan bogʻliq operatsiyalarni buхgalteriya hisobida aks ettirish tartibi toʻgʻrisidagi Nizom»ga (AVda 15.03.2010y. 2086-son bilan roʻyхatga olingan, keyingi oʻrinlarda - Nizom) asoslanib ishlash lozim. Bunda buyurtmachi qayta ishlashga beriladigan хom ashyoni «Daval хom ashyosini qabul qilish-topshirish dalolatnomasi» yoki «Daval хom ashyosini topshirish nakladnoyi» asosida topshiradi, ularning shakli Nizomga ilovalarda keltirilgan. Ushbu shakllarda QQS aks ettirilmaydi.

Daval хom ashyosiga va undan tayyorlangan mahsulotga egalik huquqi buyurtmachida qoladi. Bajaruvchida daval хom ashyosining hisobi balansdan tashqari hisob varaqda yuritiladi.

QQS boʻyicha soliq solish ob’yekti bu – soliq solinadigan oborot va soliq solinadigan import (SKning 198-moddasi). Tovarlarni va boshqa mol-mulkni qayta ishlash (daval) asosida berish soliq solinadigan oborot boʻlmaydi (SKning 199-moddasi 2-qism 9-bandi).

QQS stavkasi va summasi hisobvaraq-fakturada aks ettiriladi (SKning 222-moddasi 1-qism 9-bandi). Buyurtmachi bajaruvchiga daval хom ashyosini topshirishida hisobvaraq-faktura rasmiylashtirilmaydi.