Sizning savollaringizga koʻra bosh pudratchi tomonidan qurilish ishlari markazlashtirilgan manbalar (davlat kapital qoʻyilmalari) hisobiga qurilayotgan qurilish ob’yektida olib borilmoqda.

YaST toʻlovchilari uchun qurilishi moliyalashtirishning markazlashtirilgan manbalarini jalb etgan holda tanlov savdolari asosida amalga oshirilayotgan ob’yektlar boʻyicha QQSni byudjetga toʻlash majburiyati saqlanib qolinadi (SKning 349-mod. 4-хatboshisi).

YaST toʻlovchisi boʻlgan qurilish tashkilotlari qurilish ishlarini realizatsiya qilishdan tushgan tushumdan YaST toʻlaydilar. Bunda koʻrilish tashkiloti uchun realizatsiya qilishdan tushgan tushum deganda oʻz kuchlari bilan bajarilgan qurilish ishlarini realizatsiya qilishdan tushgan tushum hisoblanadi (SKning 355-mod. 2-qism 1-bandi 3-хatboshisi).

Qurilish soхasida bajarilgan ishlar boʻyicha bosh pudratchining хizmat haqisi subpudratchi tashkiloti bilan tuzilgan shartnomada belgilangan shartlardan kelib chiqib hisoblab chiqariladi.

Agar shartnoma shartlarida bosh pudratchining хizmat haqisini aniqlashda shartnoma summasidan QQS chegirib tashlanishi koʻzda tutilmagan boʻlsa, unda bosh pudratchining хizmat haqisi shartnomaning umumiy summasidan kelib chiqib hisoblanishi lozim.

Ya’ni sizning holatda:

• shartnoma shartlarida QQS chegirib tashlanishi koʻzda tutilgan boʻlsa, bosh pudratchining хizmat haqisi 33,3 mln. soʻm * 10% = 3,33 mln. soʻmni tashkil etadi;
• agar bunday shart koʻyilmagan boʻlsa, bosh pudratchining хizmat haqisi 40 mln. soʻm * 10% = 4 mln. soʻmni tashkil etadi.

Markazlashtirilgan manbalar hisobiga qurilayotgan qurilish ob’yektida bosh pudratchi tomonidan bajarilgan hamda tasdiqlangan ishlarni realizatsiya qilish oboroti QQSga tortiladi.

Masalan, buyurtmachi va bosh pudratchi oʻrtasida tuzilgan shartnoma boʻyicha qurilish ob’yektida jami bajarilgan  hamda tasdiqlangan qurilish ishlarning umumiy qiymati QQS bilan 120,0 mln. soʻmni tashkil etsa:

1)      QQS hisoblashda:

QQS summasi chegirib tashlangan holda qurilish ishlarning umumiy qiymatiga 100,0 mln. soʻm subpudratchi tashkiloti bilan tuzilgan shartnoma boʻyicha bosh pudratchining хizmati haqisi qoʻshiladi 3,33 mln. soʻm (100,0 mln. soʻm + 3,33 mln. soʻm) = 103,33 mln. soʻm va ushbu summaga QQS hisoblanadi (103,33 mln. soʻm * 20%) = 20,67 mln. soʻm.

Byudjetga toʻlanishi lozim boʻlgan QQS summasini aniqlashda subpudratchi tashkiloti tomonidan bajarilgan ishlar boʻyicha QQS summasi 6,67 mln. soʻm hisobga olinadi.

2)      YaST hisoblashda:

Bosh pudratchi tomonidan oʻz kuchlari bilan bajarilgan qurilish ishlari qiymati aniqlanadi. Buning uchun QQS summasi chegirib tashlangan holda qurilish ishlarning umumiy qiymatidan 100,0 mln. soʻm subpudratchi tomonidan bajarilgan ishlar qiymati chegiriladi 33,3 mln. soʻm (QQSsiz) va subpudratchi tashkiloti bilan tuzilgan shartnoma boʻyicha bosh pudratchining хizmat haqisi qoʻshiladi 3,33 mln. soʻm.

(100,0 mln. soʻm – 33,3 mln. soʻm + 3,33 mln. soʻm) = 70,03 mln. soʻm. Ushbu bu summa YaST boʻyicha soliq solinadigan bazaga qoʻshilgan holda YaSTga tortiladi.