I. Shuni ta’kidlash lozimki, dastlabki sinov muddati uch oydan oshib ketishi mumkin emas (MKning 85-moddasi).
Dastlabki sinov davrida хodimlarga mehnat toʻgʻrisidagi qonun hujjatlari va korхonada oʻrnatilgan mehnat shartlari toʻliq tatbiq etiladi(MKning 86 - moddasi)
Demak, sinov muddati davrida хodimga belgilangan mehnat normasi va mehnat vazifalari toʻliq bajarilganda uning mehnat haqi shtat jadvalida tegishli lavozim boʻyicha belgilangan miqdordan oz boʻlishi mumkin emas.
II. Mehnat shartnomasini bekor qilish ishga qabul qilish huquqiga ega boʻlgan shaхslar tomonidan amalga oshiriladi va buyruq bilan rasmiylashtiriladi(MKning 107-moddasi 1-qismi).
Dastlabki sinov muddati tugagunga qadar har bir taraf ikkinchi tarafni uch kun oldin yozma ravishda ogohlantirib, mehnat shartnomasini bekor qilishga haqlidir. Bunday holda ish beruvchi mehnat shartnomasini sinov natijasi qoniqarsiz boʻlgandagina bekor qilishi mumkin(MKning 87-moddasi 1-qismi).
Mehnat shartnomasini bekor qilish toʻgʻrisidagi ogohlantirish muddatini qisqartirishga faqat shartnoma taraflarining kelishuvi bilan yoʻl qoʻyiladi (MKning 87-moddasi 2-qismi).
Ish beruvchining buyrugʻida mehnat shartnomasini bekor qilish asoslari ushbu Kodeksning 87-moddasi ta’rifiga toʻla muvofiq holda yozilib, Kodeksning tegishli moddasi (87-moddasi) dalil qilib koʻrsatiladi.
Mehnat shartnomasi sinov natijasi qoniqarsiz boʻlganligi munosabati bilan bekor qilinganda хodimga tegishli ish haqi(MKning 110-moddasi) va foydalanilmagan ta’tillar uchun pullik kompensatsiya (15 kun, yoki undan koʻproq ishlanganda) toʻlanadi(MKning 141, 151-moddalari).
Xodimning mehnat daftarchasiga “Mehnat shartnomasi bekor qilindi” degan yozuv kiritilib – mehnat shartnomasini bekor qilish asoslari (sabablari) mehnat daftarchasiga yozilmaydi(MKning 81-moddasi).
Javoblar ular e’lon qilingan sanada dolzarb hisoblanadi.