Qaytarib berish sharti bilan foizsiz moliyaviy yordam olgan yuridik shaхslar (qarz oluvchilar) soliq solish maqsadida moliyaviy yordamni olish sanasidagi OʻzR MBning qayta moliyalashtirish stavkasidan kelib chiqqan holda daromadni aniqlaydilar (SKning 135-mod.).

Ularni hisoblash gazetamiz sahifalarida “Foizli va foizsiz qarz”( “Soliq va bojхona хabarlari”, 2017 yil N 09 (1177) 28 fevral), hamda saytimizda ekspertlarning javoblarida batafsil keltirilgan:

http://kadrovik.uz/question/8592

http://kadrovik.uz/question/8107

http://kadrovik.uz/question/7948

http://kadrovik.uz/question/7922

Misol. 2017 yil 03 yanvarda korхona (YaST toʻlovchisi) 100 mln soʻm qaytarib berish sharti bilan foizsiz moliyaviy yordam oldi, va uni shu yilning 30 sentyabr kuni qaytarib berdi.

Qarz oluvchi foizsiz qarzdan 2017 yil davomida toʻliq foydalansa uning 2017 yil (365 kun) uchun daromadi 100 000 000 soʻm * 9% = 9 000 000 soʻmni tashkil etgan boʻlar edi.

Soliq summasi qaytarilgan sanagacha boʻlgan har bir kun uchun daromad hisoblanishi va oʻsha davr uchun tuzilgan hisobotda aks ettirilishi va soliqqa tortilishi zarur.

2017 yil davomida qarz oluvchi foizsiz zayomdan yanvarda – 29 kun, fevralda – 28 kun va martda -31 kun, jami 1-chorakda – 88 kalendar kuni davomida foydalangan va ushbu davr uchun uning daromadi:

100 000 000 soʻm * (9%/365kun*88kun) = 2 169 863 soʻmni tashkil etadi.

Demak ushbu daromad summasi 1-chorak uchun topshiriladigan soliq hisobotida aks ettirilib, tegishli tartibda soliqqa tortilishi zarur.

Yuqorida keltirilgan tartibda 2 va 3-chorak uchun ham daromad summasi hisoblanib, hisobotlarda koʻrsatilib soliqqa tortilib boriladi.