Soliqlar MIB depozit hisobraqami orqali toʻlanishi qoʻshimcha hujjatlar rasmiylashtirilishini talab etmaydi va buхgalteriya oʻtkazmalarining oʻzgarishiga olib kelmaydi.
Oʻzbekiston Respublikasi Bosh prokuraturasi huzuridagi Majburiy ijro byurosi sud hujjatlari va boshqa organlar hujjatlarining majburiy ijrosini ta’minlaydi (OʻzR Prezidentining PQ-3016-son 2017 yil 30 maydagi qaroriga 4-ilova).
Oʻz muddatida toʻlanmagan soliqlar byudjetga toʻgʻridan toʻgʻri emas, balki ushbu organ depozit hisobraqami orqali toʻlanishi uchun ularning MIB tomonidan undirilishi toʻgʻrisida chiqqan sud qarori yetarli hujjatiy asos boʻladi. Bu operatsiya boʻyicha boshqa biron hujjatlarni rasmiylashtirish talab etilmaydi.
Ammo, amalda bir necha turdagi soliq qarzlari bitta toʻlov bilan yechib olinishi va toʻlovning qancha qismi qaysi soliq qarzini yopishga yoʻnaltirilganligi koʻrinmaganligi sababli toʻlovni yechib olish paytida soliqlarni hisobga oluvchi vaqtinchalik subschet ochish mumkin: masalan 6411 “MIB orqali undirilgan soliq boʻyicha majburiyatlar”. Toʻlov MIBning depozit raqamidan soliq qarzlarini qoplashga oʻtkazilganda, soliq toʻlovchining shaхsiy kartochkasida soliqlar va boshqa majburiy toʻlovlarning, shuningdek penya va jarimalarning hisoblangan hamda toʻlangan summalarini aks ettiriladi (SKning 69-moddasi). Unda keltirilgan ma’lumotlar asosida vaqtinchalik 6411 “MIB orqali undirilgan soliq boʻyicha majburiyatlar” subschetdagi toʻlovlarni soliq turlari boʻyicha taqsimlashingiz mumkin.
Javoblar ular e’lon qilingan sanada dolzarb hisoblanadi.