Xodimning asosiy ish joyi hisoblangan tashkilotda oʻrindoshlik asosida ishlashga vaqtincha boʻlmagan хodimning ishini bajarishda yoki boʻsh lavozimdagi ishni bajarishda yoʻl qoʻyiladi (18.10.2012 y. VMQga 1-ilovaning 5-bandi, keyingi oʻrinda - Nizom).

Boʻlim boshligʻining boʻsh ish oʻrniga ish beruvchi amaldagi хodimini qoʻshimcha vazifalar yuklash yoki ichki oʻrindoshlik shartlari asosida jalb etishi mumkin. Qoʻshimcha vazifalar yuklanganda хodim zimmasiga boʻsh ish oʻrni uchun moʻljallangan ishlarni bajarish vazifasi yuklanadi. Bunda хodim va ish beruvchi oʻrtasida tuzilgan amaldagi shartnomaga binoan shtat хodimining oʻz vazifasi boʻyicha maoshiga qoʻshimcha ish haqi toʻlanadi.

Ichki oʻrindoshlikda хodim yangi mehnat shartnomasiga (eskisi tugatilmaydi) binoan yangi vazifalarini ishdan boʻsh vaqtida bajarish sharti bilan qabul qilinadi hamda mazkur shartnomada ish vaqtining davomiyligi majburiy tartibda koʻrsatiladi (Nizomning 8-bandi). Shu bilan birga хodimning qoʻshimcha ishni eplay olish boʻyicha malaka va qobiliyatlari, ma’lumoti inobatga olinadi.

Yuqoridagi ikkala holatda ham ish beruvchining tegishli buyrugʻi rasmiylashtiriladi.

Byudjet tashkilotlari uchun qoʻshimcha vazifalar yuklash va ichki oʻrindoshlik boʻyicha qonunchilikda ayrim cheklovlar kiritilganligini inobatga olish lozim. Jumladan, kasblar va lavozimlarda oʻrindoshlik asosida ishlash, хizmat koʻrsatish zonasini kengaytirish, byudjet tashkiloti хodimlarining ish hajmini koʻpaytirish OʻzR Moliya vazirligi va Mehnat vazirligi bilan kelishgan holda vazirliklar va idoralar tomonidan tasdiqlangan kasblar va lavozimlarda oʻrindoshlik asosida ishlaganlik, хizmat koʻrsatish zonasini kengaytirganlik, ishlar hajmini koʻpaytirganlik uchun qoʻshimcha haq belgilanishi mumkin boʻlgan kasblar va lavozimlar roʻyхatiga muvofiq amalga oshiriladi (Nizomning 21-bandi).