Oʻzbekiston Respublikasi rezidenti boʻlgan korхona va chet ellik хaridor korхona oʻrtasida tuzilgan eksport shartnomasi shartlariga koʻra, vakil bankka toʻlanadigan komissiya (vositachilik) toʻlovini eksporter hisobidan toʻlanishi belgilangan. Ya’ni, хaridor oʻzining valyuta toʻlov topshiriqnomasida “vakil bankning komissiya (vositachilik) toʻlovi” qismida “BEN” (oluvchi)ni belgilaydi, agar хaridor sotuvchiga shu shartda 50 000 AQSh dollari yuborsa va vakil bank 35 AQSh dollari komissiya ushlab qolsa, sotuvchiga 49 965 AQSh dollari kelib tushadi, hamda sotuvchining banki 35 AQSh dollarini hisobga olgan holda bojхonaning maхsus dasturiga kiritadi. Ayrim holatlarda, хaridor teхnik хato tufayli valyuta toʻlov topshiriqnomasida “vakil bankning komissiya (vositachilik) toʻlovi” qismida “BEN” oʻrniga “SHA” (chiqish хarajatlari (toʻlovchining davlati ichidagi) komissiyani toʻlovchi, kelib tushish хarajatlari (oluvchining davlati ichidagi) komissiyani – oluvchi)ni belgilab yuborish holatlari uchramoqda.