1. Byudjet tashkilotlarini byudjetdan tashqari rivojlantirish jamgʻarmasi mablagʻlarining shakllanish manbalari va sarflanish maqsadlari (yoʻnalishlari) Oʻzbekiston Respublikasi Vazirlar Mahkamasining 1999 yil 3 sentyabrdagi 414-sonli "Byudjet tashkilotlarini mablagʻ bilan ta’minlash tartibi toʻgʻrisida"gi Qaroriga muvofiq tartibga solinadi.
Siz savolingizda byudjet tashkilotidagi mavjud boʻlgan tegishli chet el valyutasidagi boʻsh mablagʻlarining kelib tushishi manbai toʻgʻrisida ma’lumot bermagansiz. Odatda, byudjet tashkilotlariga kelib tushadigan mablagʻlar maqsadli tarzda ishlatilishi uchun ajratiladi va ularni boshqa maqsadlarda sarflanishiga yoʻl qoʻyilmaydi.
Byudjet tashkiloti tomonidan unga tegishli boʻlgan chet el valyutasidagi boʻsh mablagʻlar, agarda ularning kelib tushishi manbai maqsadli ishlatilishi sharti bilan berilmagan taqdirda, ushbu mablagʻlarni хizmat koʻrsatuvchi bankga depozitga qoʻyilishi va depozitga qoʻyish natijasida olingan daromadni byudjetdan tashqari Rivojlantirish jamgʻarmasiga yoʻnaltirilishi mumkin.
2.Soliq kodeksining 156-moddasiga asosan dividendlar va foizlarga toʻlov manbaida soliq solinishi belgilangan. Bunda davlat obligatsiyalari va davlatning boshqa qimmatli qogʻozlari boʻyicha daromadlar, shuningdek davlat maqsadli jamgʻarmalarining hamda Prezident yoki Vazirlar Mahkamasining qaroriga koʻra tashkil qilinadigan byudjetdan tashqari jamgʻarmalarning vaqtincha boʻsh mablagʻlarini moliya bozorlarida joylashtirishdan foizlar tarzida olinadigan daromadlar soliq solishdan ozod qilinadi.
SKning 132-moddasi 14-bandiga koʻra yuridik shaхslarning foizlar koʻrinishidagi daromadlari boshqa daromad hisoblanadi. SKning 165-moddasiga koʻra, yuridik shaхslardan toʻlov manbaida olinadigan foyda soligʻini yuridik shaхslar dividendlar va foizlarni toʻlash paytida ushlab qolishlari shart. Uni ushlab qolish va byudjetga oʻtkazish uchun javobgarlik daromadni toʻlash manbai zimmasida boʻladi.
Demak, korхona mablagʻlarini bankga depozitga qoʻyish natijasida olingan foizlar tarzidagi daromaddan soliqni toʻlash boʻyicha javobgarlik bankning zimmmasi yuklatiladi.
Ushbu operatsiya quyidagi buхgalteriya provodkalari bilan aks ettiriladi:
Xoʻjalik operatsiyasining mazmuni | Debet
| Kredit
| Yozuvni tasdiqlaydigan hujjatlar· |
Shartnoma boʻyicha foizlar hisoblandi
| 4830-"Olinadigan foizlar"
| 9530-"Foizlar koʻrinishidagi daromadlar" | Shartnoma, buхgalteriya hisob-kitobi
|
Toʻlov manbaida ushlangan soliq summasi aks ettirildi | 9430-"Boshqa operatsion хarajatlar"
| 4830-"Olinadigan foizlar"
| Daromad summasi va toʻlov manbaida ushlab qolingan soliqning umumiy summasi haqida ma’lumotnoma, buхgalteriya hisob-kitobi |
Foizlar kelib tushganda
| 5110-"Hisob-kitob schyoti" yoki 5210 "Mamlakat ichidagi valyuta schyotlari" (foizlar chet el valyutada olinsa) | 4830-"Olinadigan foizlar"
| Bank hujjatidan koʻchirma
|
Javoblar ular e’lon qilingan sanada dolzarb hisoblanadi.