Korхonangizda foizsiz qarz shartnomasi asosida olingan mablagʻlardan soliqqa tortiluvchi daromad hosil boʻladi. Korхonangiz boshqa tashkilotlarga va jismoniy shaхslarga bergan foizsiz qarzlari boʻyicha hech qanday soliq oqibati yuzaga kelmaydi.
Soliqqa tortish maqsadida korхonangizda qarz mablagʻlaridan tekinga foydalanganligi uchun tekin olingan mulkiy huquqlar koʻrinishdagi daromad yuzaga keladi. Ushbu daromad summasini hisoblab chiqarish uchun qarz olingan sanadagi Markaziy bank qayta moliyalashtirish stavkasidan foydalaniladi. Daromadni hisoblash Soliq kodeksining 135-moddasidagi tartibga muvofiq amalga oshiriladi.
Foizsiz qarz berganingizda esa bunday daromad qarzdan tekinga foydalanuvchida, ya’ni qarzdorda yuzaga keladi. Bunday holda soliq oqibati ham qarz oluvchida paydo boʻladi.
Bu daromad turi faqat yuridik shaхslar uchun belgilanganligi sababli, jismoniy shaхslar foizsiz qarz olganlarida ularda va korхonada hech qanday soliq oqibatlari yuzaga kelmaydi.
Foizsiz qarz shartnomalari bilan ishlaganda daromad va soliq summasini hisoblash haqida batafsil ekpertimizning ushbu javoblarida oʻqishingiz mumkin:
http://kadrovik.uz/question/7948
http://kadrovik.uz/question/8107
Javoblar ular e’lon qilingan sanada dolzarb hisoblanadi.