Корхонангизда фоизсиз қарз шартномаси асосида олинган маблағлардан солиққа тортилувчи даромад ҳосил бўлади. Корхонангиз бошқа ташкилотларга ва жисмоний шахсларга берган фоизсиз қарзлари бўйича ҳеч қандай солиқ оқибати юзага келмайди.
Солиққа тортиш мақсадида корхонангизда қарз маблағларидан текинга фойдаланганлиги учун текин олинган мулкий ҳуқуқлар кўринишдаги даромад юзага келади. Ушбу даромад суммасини ҳисоблаб чиқариш учун қарз олинган санадаги Марказий банк қайта молиялаштириш ставкасидан фойдаланилади. Даромадни ҳисоблаш Солиқ кодексининг 135-моддасидаги тартибга мувофиқ амалга оширилади.
Фоизсиз қарз берганингизда эса бундай даромад қарздан текинга фойдаланувчида, яъни қарздорда юзага келади. Бундай ҳолда солиқ оқибати ҳам қарз олувчида пайдо бўлади.
Бу даромад тури фақат юридик шахслар учун белгиланганлиги сабабли, жисмоний шахслар фоизсиз қарз олганларида уларда ва корхонада ҳеч қандай солиқ оқибатлари юзага келмайди.
Фоизсиз қарз шартномалари билан ишлаганда даромад ва солиқ суммасини ҳисоблаш ҳақида батафсил экпертимизнинг ушбу жавобларида ўқишингиз мумкин:
http://kadrovik.uz/question/7948
http://kadrovik.uz/question/8107
Жавоблар улар эълон қилинган санада долзарб ҳисобланади.
Телеграм канали 