QQSni iхtiyoriy ravishda toʻlashga oʻtmagan YaST toʻlovchi qurilish tashkiloti, QQSni faqat qurilishi moliyalashtirishning markazlashtirilgan manbalarini jalb etgan holda tanlov savdolari asosida amalga oshirilayotgan ob’yektlar boʻyicha toʻlaydi (SKning 349-moddasi).

Bunda hisobot davri uchun hisoblangan YaST summasi yuqoridagi ob’yektlar boʻyicha byudjetga toʻlanishi lozim boʻlgan QQS summasiga (lekin YaSTning 50 foizidan koʻp boʻlmagan miqdorga) kamaytirilishi mumkin (SKning 360-moddasi 4-хatboshisi).

Masalan:

Qurilish korхonasi tomonidan 2017 yil 9 oy davomida qurilishi moliyalashtirishning markazlashtirilgan manbalarini jalb etgan holda tanlov savdolari asosida amalga oshirilayotgan ob’yektlar boʻyicha bajarilgan qurilish ishlarini – 1 200 mln. soʻmni, shu jumladan QQS – 200 mln. soʻmni tashkil etadi. Ushbu ob’yekt qurilishi uchun sotib olingan materiallar boʻyicha mol yetkazib beruvchilarga toʻlangan va hisobga olingan QQS summasi – 60 mln. soʻmni tashkil etadi.

Bu holatda byudjetga toʻlanishi lozim boʻlgan QQS – 140 mln. soʻmni tashkil etadi (200 mln.soʻm – 60 mln.soʻm). Hisobot davri uchun byudjetga toʻlanishi lozim boʻlgan QQS summasi (140 mln. soʻm) ushbu davr uchun hisoblangan YaST summasidan (50 mln. soʻm) koʻp boʻlganligi sababli, hisoblangan 50 mln. soʻm YaST summasi YaSTning 50 foiziga, ya’ni 25 mln. soʻmga kamaytirilishi mumkin.