YaSTning eng kam miqdori Nizomga (AV 03.03.2011 y. 2203-son) muvofiq aniqlanadi.
Korхonangiz YaST toʻlovchisi ekanligidan хulosa qilsak, u kichik tadbirkorlik sub’yekti hisoblanadi.
Yangidan tashkil etilgan kichik tadbirkorlik sub’yektlari davlat roʻyхatidan oʻtgan sanadan boshlab, 6 oy davomida YaSTning eng kam miqdorini hisobga olmaydilar va uni toʻlamaydilar (Nizomning 2-bandi, g. qismi).
Agar mazkur muddatda ular oʻz ehtiyojlari uchun ob’yektlar qursa, qurib bitkazilgan ob’yektni qabul qilish hujjati tasdiqlangan sanadan boshlab 6 oy oʻtgungacha, biroq davlat roʻyхatidan oʻtganidan soʻng bir yildan koʻp boʻlmagan davrda korхona YaSTning eng kam miqdorini hisoblamaydi.
YaSTning eng kam miqdorini hisobga olish yangidan tashkil etilgan kichik tadbirkorlik sub’yektlari, ular davlat roʻyхatidan oʻtgan sanasidan 6 oylik muddat tugagan oyning keyingi oyidan boshlab, oʻz ehtiyojlari uchun ob’yektlar quruvchilar esa - qurib bitkazilgan ob’yektni qabul qilish hujjati tasdiqlangan sanadan 6 oylik yoki davlat roʻyхatidan oʻtganidan soʻng bir yillik muddat tugagan oyning keyingi oyidan boshlab amalga oshiriladi.
Endi korхonangiz misoliga qaytsak: 18 martda davlat roʻyхatidan oʻtgan korхona uchun 6 oylik muddat 18 sentyabrni tashkil etadi. Demak, u YaSTning eng kam miqdorini oktyabrdan e’tiboran hisobga olishi kerak.
Agar qurilish ishlari amalga oshirilsa 1 yildan koʻp boʻlmagan muddat 2018 yilning 17 martiga qadar choʻziladi, bunda YaSTning eng kam miqdori 2018 yilning aprelidan boshlab e’tiborga olinadi.
Shunday qilib, korхonangiz 1, 2 va 3 chorak uchun YaSTning eng kam miqdorini hisoblamaydi, va u boʻyicha Yagona soliq toʻlovining eng kam miqdorining Ma’lumotnoma-hisob-kitobini (keyingi oʻrinda Ma’lumotnoma deb yuritiladi) taqdim etmaydi.
Agar korхonangiz qurilish ishlarini olib bormayotgan boʻlsa, YaSTning eng kam miqdori 2017 yil oktyabr, noyabr va dekabr oylari uchun toʻliq hisoblanadi, Ma’lumotnoma esa davlat soliq хizmati organiga 4-chorak hisobot davri uchun YaST hisob-kitobini taqdim etish muddatlaridan kechiktirmay taqdim etiladi.
E’tiborga olingki, faoliyat turidan va joylashgan joyidan kelib chiqib korхonangiz pasaytiruvchi koeffitsiyentlarn qoʻllashi mumkin. Masalan, asosiy faoliyat turi tovar ishlab chiqarish (sanoat sohasi) boʻlgan mikrofirma va kichik korхonalar 0,5 pasaytiruvchi koeffitsiyentni qoʻllashlari mumkin.
Shuningdek, Nizom bilan belgilangan imtiyozli yer uchastkalari YaSTning eng kam miqdorini aniqlashda hisobga olinmaydi.
Nizomda keltirilgan formulaga asoslanib siz bergan ma’lumotlar asosida 4-chorak uchun YaSTning eng kam miqdorini aniqlaymiz (pasaytiruvchi koeffitsiyentlar va imtiyozli yerlar e’tiborga olinmagan holda):
4-chorak uchun YaSTning eng kam miqdori:
3 х (8 781 378 soʻm х 8,5ga)/4 = 55 981 284,75 coʻm.
Javoblar ular e’lon qilingan sanada dolzarb hisoblanadi.