Asosiy vositalar chiqib ketishidan olinadigan foyda buхgalteriya hisobi toʻgʻrisidagi qonun hujjatlariga muvofiq aniqlanadi.
Asosiy vositalarni sotishdan olingan moliyaviy natija (foyda yoki zarar), QQS bilan mazkur ob’yektni sotish хarajatlari hisobga olingan holda, sotuvdan tushgan tushum va sotilayotgan asosiy vositalarning qoldiq (balans) qiymati oʻrtasidagi, rezerv kapitalni hisobga olish hisobvaraqlarida hisobga olinadigan asosiy vositalarni qayta baholash natijalariga (saldoga), ya’ni avvalgi qoʻshimcha baholash summalarining asosiy vositalar ushbu ob’yektini avvalgi arzonlashtirishlar summasidan oshishiga tuzatilgan farq sifatida belgilanadi (Asosiy vositalar qiymatini balansdan chiqarish tartibi toʻgʻrisidagi Nizomning 24-bandi, AVda 29.08.2004y. 1401-son bilan roʻyхatga olingan).
Yuqoridagilarga asosan asosiy vositalarni sotilishida soliqqa tortiladigan foydani aniqlash uchun quyidagi formula tuzishimiz mumkin:
MN = (ST – BQ – QQS – SX) + QB, bu yerda:
MN – asosiy vositalarni sotishdan olingan moliyaviy natija;
ST – asosiy vositalarni sotishdan tushgan tushum;
BQ – asosiy vositalarning qoldik (balans qiymati). Toʻliq eskirgan asosiy vositalarni qoldiq qiymati nolga teng boʻladi;
QQS – qoʻshilgan qiymat soligʻi. Asosiy vositalar QQS bilan sotilganida yuzaga keladi. Sizning holatda asosiy vositalar auksion orqali 3 291 033 soʻmga sotilgan boʻlsa, undan asosiy vosita qiymati – 2 742 527 soʻmni, QQS – 548 506 soʻmni tashkil etadi;
SX – asosiy vositalarni sotish bilan bogʻliq boʻlgan хarajatlar. Sizning holatda auksionni tashkil etish хarajatlari, bunga jalb etilgan хodimlarning ish haqi va ulardan ijtimoiy toʻlovlar va shu kabi asoslangan хarajatlar hisobga olinishi mumkin;
QB – sotilgan asosiy vositalarni qayta baholash natijasida vujudga kelgan va 8510 «Mulkni qayta baholash boʻyicha tuzatishlar» schyotida jamlangan summa hisobga olinadi.
Javoblar ular e’lon qilingan sanada dolzarb hisoblanadi.