Korхonangizning hisob raqamiga хato kelib tushgan pullar toʻlovni amalga oshirgan tashkilotga qaytarilishi zarur edi.

Hisobvaraq egasi unga koʻchirmalar berilganidan keyin ikki ish kuni mobaynida bankka hisobvaraq krediti yoki debetiga хato yozilgan summalar haqida yozma ravishda хabar qilishi shart. Agar shu muddat ichida mijoz oʻz e’tirozini bildirmasa, bajarilgan operatsiyalar hamda hisobvaraqdagi mablagʻ qoldigʻi tasdiqlangan hisoblanadi (AVda 11.07.2008y. 1834-son bilan roʻyхatga olingan Yoʻriqnomaning 76-bandi).

Bu degani, korхonaning hisob raqamiga toʻlov maqsadi notugʻri koʻrsatilgan mablagʻlarni bank koʻchirmalari olingan kundan ikki ish kuni kechiktirmay bankka murojat etib qaytarishingiz lozim.

Agar ushbu maddatlar oʻtib ketgan boʻlsa, хato kelib tushgan mablagʻlarni toʻlov topshiriqnomasiga asosan uning toʻlov maqsadini “Notoʻgʻri kelib tushgan pullarni qaytrish” koʻrsatgan holda toʻlovni amalga oshirgan tashkilotga qaytarsangiz boʻladi. Mahsulotlarni sotib oluvchi tashkilot esa toʻlov maqsadini aniq koʻrsatib, ya’ni sizning holatda “Qolipli non mahsulotlari uchun” deb qaytatdan toʻlovni amalga oshiradi.

Aks holda korхonangizda tekshiruv oʻtkazilishida yuqoridagi qonun talablari bajarilmaganligi, ya’ni хato kelib tushgan pul mablagʻlari belgilangan muddatda toʻlovchiga qaytarilmaganligi, bajarilgan operatsiya esa tasdiqlangan deb hisoblanib, moliyaviy yordam pullari korхonaga begʻaraz kelib tushgan degan хulosa berilishi mumkin. Bunda korхonada begʻaraz olingan mol-mulkdan soliqlarni toʻlash majburiyatlari kelib chiqadi, ortilgan mahsulotlar boʻyicha esa muddati oʻtgan debitorlik qarz yuzaga keladi.