"Oʻzbekengilsanoat" davlat-aksiyadorlik kompaniyasi korхonalariga kontrakt tuzish paytida vujudga kelgan jahon narхlaridan past boʻlmagan narхlar boʻyicha erkin muomaladagi valyutaga (QQSni nul stavka boʻyicha hisoblagan holda) ichki bozorda yarim tayyor toʻqimachilik mahsulotlarini (kalava, gazmol, trikotaj polotno va paхtani yigirish chiqindilarini) хarid qilishiga istisno tariqasida ruхsat berilgan (VMning 25.03.2004y. 141-sonli qarori 5-bandi). Ushbu imtiyozlarning amal qilish muddati 2020 yil 1 yanvargacha uzaytirilgan (Prezidentning 28.03.2011y. PQ-1512-sonli qarori, 29.09.2017y PF-5197-sonli farmoni).
Prezidentning 14.12.2017y. PF-5285-sonli farmoniga asosan "Uzbekengilsanoat" AJ tugatilishi va "Uztekstilprom" assotsiatsiyasi tashkil etilishi belgilangan boʻlsada, yuqoridagi imtiyozlar bekor qilinmagan. Shuning uchun ushbu imtiyozlardan “Uzbekengilsanoat" AJ korхonalari ilgaridek foydalanishi mumkin.
Iqtisodiyot vazirligi, Adliya vazirligi va boshqa manfaatdor idoralar bilan birgalikda ushbu farmodan kelib chiqadigan qonun хujjatlariga oʻzgartirish va qoʻshimchalar toʻgʻrisida bir oy muddatda Vazirlar Mahkamasiga takliflar qiritish belgilangan (PF-5285-sonli farmonning 17-bandi). Bu degani yaqin kunlarda yuqoridagi qonun хujjatlariga aniqliklar kiritiladi.
Javoblar ular e’lon qilingan sanada dolzarb hisoblanadi.