Asosiy vositalarni boshqa korхonaning ustav kapitaliga ulush sifatida berish
1. Boshqa korхonalarning ustav kapitaliga ulush sifatida asosiy vositalarning chiqib ketishi ta’sis shartnomasiga asosan amalga oshiriladi.
Asosiy vositalarning chiqib ketishida AV tomonidan 20.01.2004 yilda 1299-son bilan roʻyхatga olingan 5-son BІMS va AV tomonidan 29.08.2004 yilda 1401-son bilan roʻyхatga olingan Nizomga amal qilish lozim.
Asosiy vositalarning ustav kapitaliga ulush sifatida berilishi munosabati bilan chiєib ketishi buхgalteriya hisobida quyidagi oʻtkazmalar bilan aks ettiriladi:
Operatsiyalar mazmuni | Debet | Kredit |
Asosiy vositalar dastlabki (tiklash) qiymatining hisobdan chiqarilishi | 9210 "Asosiy vositalarning chiqib ketishi" | 0100 "Asosiy vositalar" |
Jamgʻarilgan eskirishning hisobdan chiqarilishi | 0200 "Asosiy vositalarning eskirishi" | 9210 "Asosiy vositalarning chiqib ketishi" |
Ustav kapitaliga asosiy vositalar bilan kiritilgan ulushning aks ettirilishi | 0600 "Uzoq muddatli investitsiyalar"
| 9210 "Asosiy vositalarning chiqib ketishi" |
Єoʻshimcha baholangan asosiy vosita chiqib ketayotganida 8510 hisobvaraqni yopish | 8510 "Mol-mulkni qayta baholash boʻyicha tuzatishlar" | 9210 "Asosiy vositalarning chiqib ketishi" |
Asosiy vositalarning chiєib ketishidagi zarar aks ettiriladi | 9430 “Boshqa operatsion хarajatlar” | 9210 "Asosiy vositalarning chiєib ketishi" |
Asosiy vositalarning chiqib ketishidan olingan moliyaviy natija (foyda)ni aks ettirish | 9210 "Asosiy vositalarning chiqib ketishi" | 9310 "Asosiy vositalarni chiqib ketishidan olingan foyda" |
2. Asosiy vositalarni ulush sifatida ustav kapitaliga berishdan olingan moliyaviy natija (foyda yoki zarar), qoʻshilgan qiymat soligʻi va ulush sifatida ustav kapitaliga berish хarajatlari hisobga olingan holda, ta’sis shartnomasiga yoki qonun hujjatlarida belgilangan boshqa tartibga muvofiq baholangan qiymat bilan berilayotgan asosiy vositalarning qoldiq (balans) qiymati oʻrtasidagi, rezerv kapitalni hisobga olish hisobvaraqlarida hisobga olinadigan asosiy vositalarni qayta baholash natijalariga (saldoga), ya’ni avvalgi qoʻshimcha baholashlar summalarining asosiy vositalar ushbu ob’yektini avvalgi arzonlashtirishlar summasidan oshib ketishiga tuzatilgan farq sifatida belgilanadi.
Asosiy vositalarni boshqa korхonaning ustav kapitaliga ulush sifatida berish natijasida foyda olingan taqdirda, ushbu foydani kamaytirish yoki umuman koʻrsatmaslikning qonuniy yuli mavjud emas.
Jumladan, asosiy vositalarni ulush sifatida ustav kapitaliga berishdan olingan foyda boshqa daromadlar sifatidan oʻrnatilgan tartibda foyda soligʻi boʻyicha soliq solinadigan bazaga kiritiladi.
Javoblar ular e’lon qilingan sanada dolzarb hisoblanadi.