Siz Turkiya fuqarosi bilan nikohingizni Turkiya Respublikasi hududida roʻyхatdan oʻtkazib, turmush oʻrtogʻingizning familiyasini olganligingiz sababli oʻsha yerdagi Oʻzbekiston Respublikasining konsullik muassasasiga rasmiy hujjatga (nikoh guvohnomasiga) apostil qoʻyish toʻgʻrisida ariza bilan murojaat qilishingiz lozim.

"Oʻzbekiston Respublikasining fuqaroligi toʻgʻrisida"gi Qonunning (2.07.1992 yildagi 632-XII-son) 13-moddasiga koʻra, agar bola Oʻzbekistondan tashqarida tugʻilgan, lekin shu paytda uning ota-onasi respublikamiz fuqarolari boʻlishgan boʻlsa, bola Oʻzbekiston Respublikasi fuqarosi hisoblanadi.