Корхонада 5 кунлик иш ҳафтаси ва икки дам олиш куни белгиланган. Агар байрам куни якшанба ёки душанбага тўғри келса, жума куни 1 соатга қисқартирилиши керак бўлган байрамолди куни ҳисобланадими?

Йўқ, ҳисобланмайди. Байрам куни олдидан дам олиш куни келса иш куни ёки иш сменасининг давомийлиги қисқартирилмайди.

Меҳнат кодексининг 121-моддасига мувофиқ байрам (ишланмайдиган) кунлари (Меҳнат кодексининг 131-моддаси) арафасида кундалик иш (смена) муддати барча ходимлар учун камида бир соатга қисқартирилади.

Агар байрам куни якшанба ёки душанбага тўғри келса, ходим Меҳнат кодексининг 121-моддасига асосан жумадаги иш куни (сменаси) қисқартирилишини талаб қилишга ҳақли эмас.