Пригодится каждому кадровику в августе:
Ўзбекистон меҳнаткашлари Қурбон ҳайити байрами ва дам олиш кунларини орзиқиб кутмоқда! Дам олишни бугун – 8-июль, жума кунидан бошлаш истаги ҳам йўқ эмас, албатта. У кимлар учун қисқа иш куни бўлишини ва неча соатга қисқаришини «Норма» эксперти, ҳуқуқшунос Ленара ХИКМАТОВА тушунтиради:
– Меҳнат кодексининг 121-моддасига кўра, байрам (ишланмайдиган) кунлар арафасида кундалик иш (смена) муддати барча ходимлар учун камида бир соатга қисқартирилади.
2022 йилда Меҳнат кодексининг 131-моддасида белгиланган Қурбон ҳайити байрами 9 июлга тўғри келмоқда . Тегишинча, байрам арафасидаги кун – 8 июль – камида 1 соатга қисқартирилиши керак. Корхона ва ташкилотларнинг маҳаллий ҳужжатларида узоқроқ қисқартириш назарда тутилиши мумкин (аммо 1 соатдан кам эмас, бу жуда муҳим!).
Байрам кунлари арафасида иш вақтини қисқартириш мажбурияти мулкчилик шаклидан қатъи назар, барча ташкилотларга тегишли.
Қисқартирилган иш вақти белгиланган ходимлар учун 8 июлдаги иш куни ҳам 1 соатга қисқартирилади. Бу қуйидагиларга тааллуқли:
- уч ёшга тўлмаган болалари бор, бюджет ҳисобидан молиявий жиҳатдан таъминланадиган муассасалар ва ташкилотларда ишлаётган аёллар
.
Бундан ташқари, иш берувчи билан келишилган ҳолда тўлиқсиз иш вақти белгиланган ходимлар 8 июль куни ишдан эрта кетишлари мумкин
.
Ишлаб чиқариш, техник ва бошқа сабабларга кўра (объектларни муҳофаза қилиш, уларнинг хавфсизлигини таъминлаш, аҳолига хизмат кўрсатиш, шошилинч таъмирлаш ва юклаш-тушириш ишлари ва бошқалар) ишларни тўхтатиб туриш мумкин бўлмаган ташкилотларда махсус тартиб амал қилади. У ерда байрамолди кунида иш (смена) муддатини қисқартиришнинг иложи бўлмагани учун ортиқча ишлаганлик учун ишдан ташқари иш ҳисобида камида 2 ҳисса ҳақ тўланади
.