Васийга қўшимча таътил берилиши керакми

«Ходиманинг битта ўз фарзанди бор, иккинчиси устидан эса васийлик расмийлаштирган. Иккаласи ҳам 12 ёшдан кичик. Ходима Меҳнат кодексининг 232-моддаси бўйича камида 3 кунлик қўшимча таътил олишга ҳақлими?».

Саволга эксперт ва «Норма» кадрлар хизмати раҳбари Валерия ЛЯНДРЕС жавоб берди:

 
- Ҳа, ўн икки ёшга тўлмаган, улардан бири васийлик остида бўлган икки болали ходима ўн икки ёшга тўлмаган ўз боласи бор  ходимлар сингари уч иш кунидан кам бўлмаган  ҳар йиллик ҳақ тўланадиган қўшимча таътилга ҳақли  

Ушбу таътил ижтимоий  шунинг учун фақат асли ҳолида тақдим этилади ва  пуллик компенсация билан алмаштиришга йўл қўйилмайди .

Болалардан бири 12 ёшга тўлганида, онаси (ва/ёки васийси) ушбу имтиёз ҳуқуқидан маҳрум бўлади.

Ушбу жавоб МКнинг 232 ва 238 - моддаларига асосланган.

Ўн икки ёшга тўлмаган икки ва ундан ортиқ боласи ёки ўн олти ёшга тўлмаган ногиронлиги бўлган боласи бор аёлларга уларнинг хоҳишига кўра, ҳар йили ўн тўрт календарь кундан кам бўлмаган муддат билан иш ҳақи сақланмаган ҳолда таътил берилади. Бундай таътил йиллик таътилга қўшиб берилиши ёки иш берувчи билан келишиб белгиланадиган даврда ундан алоҳида (тўлиқ ёхуд қисмларга бўлиб) фойдаланилиши мумкин . Иш берувчи бундай таътилни рад этишга ҳақли эмас.

Оналарга бериладиган ушбу кафолат қуйидагиларга нисбатан ҳам татбиқ қилинади :

•  онасиз болаларни (она вафот этган, оналик ҳуқуқларидан маҳрум этилган, узоқ вақт даволаш муассасаларида бўлган ва болалари тўғрисида она сифатида ғамхўрлик қилмаган бошқа ҳолларда) тарбиялаётган оталарга;
• вояга етмаган болаларнинг васийларига (ҳомийларига);
• ота-она қарамоғидан маҳрум болаларни бувиси, буваси ёки болани амалда парваришлаётган бошқа қариндошлари.