Пригодится в работе в апреле:
«Касаллик таътили»га ҳақ тўлашда ходимнинг чет элдаги стажи ҳисобга олинадими
«Бизда 2011 йилда Венгрияга кўчиб кетган Ўзбекистон фуқароси ишлайди. Унда 2012 йилдан Венгрия меҳнат дафтарчаси ва 11 йиллик стаж бор. 2023 йилнинг апрель ойида биз уни Тошкентга ишлашга таклиф қилдик, у илгари Ўзбекистонда ишламаган. Ўзбекистонда иш стажи – 2023 йил апрелдан то ҳозирги кунгача.
Унга касаллик таътилини қандай тўлаймиз?»
kadrovik.uz илтимосига кўра вазиятни эксперт ва «Норма» кадрлар хизмати раҳбари Валерия ЛЯНДРЕС шарҳлади:
– Вақтинча меҳнатга қобилиятсизлик бўйича нафақа миқдори бюджетдан ташқари Пенсия жамғармасига суғурта бадалларини тўлаш шарти билан фаолият тури, мулкчилик ва хўжалик юритиш шаклларидан қатъи назар ходим давлат ижтимоий суғуртасига тортилганда иш стажига қараб ҳисобланиши керак .
Чет элда ишлаган иш даври, агар бюджетдан ташқари Пенсия жамғармасига белгиланган суғурта бадаллари тўлаб келинган бўлса, иш стажига ҳисобланади. Бундай тартиб, агар давлатлараро битимларда бошқа имтиёзлироқ ҳолат кўзда тутилмаган бўлса, амал қилади .
Ўзбекистон Республикаси фуқароларининг чет элда ёлланиб (битим асосида) ишлаган иш даври Ўзбекистон Республикаси камбағалликни қисқартириш ва бандлик вазирлиги ҳузуридаги Ташқи меҳнат миграцияси масалалари агентлиги томонидан меҳнат дафтарчасига киритилган ёзувлар бўйича – бюджетдан ташқари Пенсия жамғармасига суғурта бадали тўлаб келинган тақдирда белгиланади .
Иш берувчи ходимда юқоридаги ҳолатлар мавжудлигини текшириши ва тегишинча, нафақа миқдорини аниқлаши керак.
Иш берувчининг таклифига кўра ишга қабул қилинган шахслар кўп йиллик иш стажи учун қўшимча меҳнат таътили тақдим қилиш учун бошқа иш берувчидаги иш стажини ҳисобга олишга ҳақли . аммо вақтинча меҳнатга қобилиятсизлик нафақаси учун эмас.