Пригодится каждому кадровику в феврале:
Меҳнат кодексига ўзгартишлар киритиш тўғрисидаги қонун лойиҳаси биринчи ўқишда қабул қилинди. Шундай қилиб, фарзанд туғилганда оталарга ҳақ тўланадиган таътил бериш режалаштирилмоқда. Бу ҳақда батафсил kadrovik.uz нашрида ўқинг.
24 январ куни Олий Мажлис қонунчилик палатасининг мажлиси бўлиб ўтди. Мажлисда Меҳнат кодексига киритилиши режалаштирилаётган қуйидаги ўзгартишлар муҳокама қилинди:
- ишда зўравонлик ва тазйиқнинг олдини олиш;
- тазйиқ ёки зўравонликка учраган ходимларнинг ҳуқуқларини ҳимоя қилиш;
- камситишнинг олдини олиш, тенг меҳнат ҳуқуқларини таъминлаш.
Ўзгартишлар киритиш тўғрисидаги қонун лойиҳаси биринчи ўқишда қабул қилинди. Бу ўзгартишларга кўра, фарзанд туғилганда оталарга 5 кунлик ҳақ тўланадиган ижтимоий таътил бериш таклиф этилмоқда.
Ўзгартишлар шуни назарда тутадики, фарзанд туғилганда нафақат она, балки ота ҳам декрет таътилига чиқиши мумкин. Бироқ бу таътил фақат 5 (беш) календар кун давом этади.
Эслатамиз
Ҳозирда фарзанд туғилганда оталарга таътил бериш иш берувчининг ихтиёрига боғлиқ. У таътилни ҳатто 5 кундан ортиқ муддатга ҳам бериши мумкин. Бироқ бу компаниянинг жамоа шартномаси ёки келишувида назарда тутилган бўлиши керак
Ҳозирги вақтда қонун лойиҳаси фақат биринчи ўқишда қабул қилинган. Меҳнат кодексидаги кейинги ўзгаришлар ва бундай таътилни расмийлаштириш тафсилотлари ҳақидаги маълумотларни ўтказиб юбормаслик учун, kadrovik.uz telegram каналига обуна бўлинг.
Kadrovik.uz тавсия этади
