Биринчи марта ишга қабул қилинганда дубликат расмийлаштириш

Фуқаро биринчи марта ишга қабул қилинди. Кадрлар бўйича инспектор ундан меҳнат дафтарчаси бланкасини сотиб олишни ва ишга қабул қилиш тўғрисидаги ёзувни киритиш учун кадрлар бўлимига олиб келишни талаб қилди.

Мазкур талаб қонунийми?

Йўқ, ноқонуний.

Меҳнат дафтарчаларининг бланкасини иш берувчининг ўзи маҳаллий меҳнат органларидан сотиб олиши керак. Фуқаролар томонидан меҳнат дафтарчаларини сотиб олиш таъқиқланади (АВ томонидан 1998-йил 29-январда 402-сон билан рўйхатга олинган Меҳнат дафтарчаларини юритиш тартиби тўғрисида Йўриқноманинг 1.3-банди иккинчи хатбошиси).

Бунда иш берувчи янги меҳнат дафтарчасини (дубликатини) беришда ходимдан меҳнатга ҳақ тўлашнинг энг кам миқдорининг 10 фоизигача ҳақ олиш ҳуқуқига эга (402-сонли Йўриқноманинг 5.1-банди).