Пригодится каждому кадровику в сентябре:
«Ходим 2022 йил 10 июндан 14 июнгача очилган вақтинча меҳнатга қобилиятсизлик варақасини олиб келди. Унда у 2 кун давомида "шифокор томонидан ўрнатилган режимни бузгани" (15-16 июнь) ёзилган. Ишга чиқиш санаси сифатида 17 июнь кўрсатилган. Иш берувчи 15 ва 16 июнь кунлари учун ҳақ тўлаши керакми? Ушбу кунларни табелда қандай акс эттириш лозим?».
Ушбу мураккаб саволга эксперт ва «Норма» кадрлар хизмати раҳбари Валерия ЛЯНДРЕС жавоб берди:
- Дастлабки маълумотларни яна бир бор аниқлаштирамиз:
1) ходимга 2022 йил 10 июндан 14 июнгача вақтинча меҳнатга қобилиятсизлик варақаси очилган;
2) кўрсатилган санада вақтинча меҳнатга қобилиятсизлик варақаси ёпилмаган ёки узайтирилмаган, режимни бузилганлиги тўғрисидаги ёзувдан келиб чиқадики, ходим белгиланган муддатда шифокор қабулига узрли сабабсиз келмаган;
3) ниҳоят у шифокор қабулига келганидан сўнг унга вақтинча меҳнатга қобилиятсизлик варақасини ёпиб беришди. Табиийки, ишга чиқадиган санани орқа сана билан қўйиб бўлмасди ва у 2022 йил 17 июнга тўғри келди.
Касаллик режими бузилган саналар – 15 ва 16 июнни – вақтинча меҳнатга қобилиятсизлик нафақасини ҳисоб-китобга киритиш ва тўлаш шарт эмас. Буни вақтинча меҳнатга қобилиятсизлик варақасига таянган ҳолда протоколда акс эттиринг. Тўлов фақат 10 июндан 14 июнгача бўлган давр учун – белгиланган иш вақти режимидан келиб чиқиб дам олиш кунлари ёки дам олиш кунини айирган ҳолда амалга оширилишини кўрсатинг .
Вазият ҳақиқатда ғайриоддий, табелда бундай ҳолатлар учун ҳеч қандай белгилар назарда тутилмаган. Шунинг учун бу икки кун – 15 ва 16 июнни – "0" билан ёпиш, табелга эслатмада эса тафсилотларни тушунтириш мумкин.
Қуйидаги ходимлар:
1) вақтинча меҳнатга қобилиятсизлик бошланишидан олдин узрсиз сабабларга кўра прогул қилган;
2) улар учун шифокор белгилаган тартибни бузган;
3) узрсиз сабабларга кўра белгиланган муддатда шифокор кўригига ёки тиббий-меҳнат экспертиза комиссиясига (ТМЭК) келмаган ходимлар қоидани бузиш рўй берган кундан бошлаб корхона комиссияси белгилайдиган муддатга нафақадан маҳрум қилинадилар .