Меҳнат дафтарчасининг титул варағига муҳр босиш

Иш берувчи меҳнат дафтарчасининг титул варағида муҳр босилмаган, меҳнат шартномаси бекор қилинганлиги тўғрисидаги ёзув эса меҳнат дафтарчасини очган ташкилот раҳбарининг имзоси ва муҳри билан тасдиқланган ходимни ишга қабул қилди. Агар меҳнат дафтарчасини берган иш берувчининг муҳрини босиш имкони бўлмаса, иш берувчи меҳнат дафтарчасининг биринчи варағини ўз муҳри билан тасдиқлаши керакми?

Йўқ, бундай қилиш мумкин эмас. Бошқа ташкилот мансабдор шахсларининг ҳаракатлари учун жорий иш берувчининг маъмурияти жавобгар бўлмайди. Ходимнинг меҳнат дафтарчасига ёзувлар фақат ўз ташкилоти бўйича киритилиши лозим.