Чет эл фуқароларининг Ўзбекистонга хизмат сафари қанча муддат давом этиши мумкин

Россия фуқароси Ўзбекистонга  хизмат сафарига юборилиши мумкинми? Агар мумкин бўлса – қанча муддатга? Ўзбекистон Республикаси Меҳнат кодексининг қайси моддасида чет эл фуқароларининг Ўзбекистонга хизмат сафарининг энг кўп муддати кўрсатилган?

Саволга kadrovik.uz илтимосига кўра эксперт ва «Норма» кадрлар хизмати раҳбари Валерия ЛЯНДРЕС жавоб берди:

– Ўзбекистон Республикаси меҳнат қонунчилиги, шу жумладан Меҳнат кодекси Ўзбекистон ташкилотлари ва корхоналарига, шунингдек ушбу ташкилотларнинг ходимларига нисбатан татбиқ қилинади. Махсус Низом (АВ рўйхат рақами 2730, 19.11.2015 йил) Ўзбекистон корхона ва ташкилотлари ходимларини бошқа мамлакатларга хизмат сафарларига юбориш тартиби ва муддатларини белгилайди.

Ўзбекистон ҳудудига бошқа мамлакатлардан хизмат сафарларига жўнатиш тартиби ва муддатлари ўз ходимларини хизмат сафарларига юборадиган ташкилотлар фаолият кўрсатаётган давлатларнинг қонун ҳужжатларида белгиланади. Айнан жўнатувчи ташкилот  ходимининг чет эл хизмат сафарига юбориш харажатларини зиммасига олади. Сиз Россия Федерацияси қонунчилигига мурожаат қилишингиз керак.

Шунингдек, янги Меҳнат кодексининг кучга кириши билан (2023 йил 30 апрелдан) Ўзбекистон қонунчилигига «бошқа иш берувчига хизмат сафарига юбориш» жорий қилинганини билиш фойдали бўлади.

Бошқа иш берувчига хизмат сафарига юбориш хизмат сафаридан нимаси билан фарқ қилади? Хизмат сафарида ходим аниқ мақсадларни бажариш учун жўнаб кетади ва унинг меҳнати жўнатувчи-иш берувчи томонидан тўланади. Бунда  хизмат сафарига юборилган шахс бошқа иш берувчига вақтинчалик доимий ишга юборилади. У билан меҳнат шартномаси вақтинча бекор қилинади. Қабул қилувчи томон у билан муддатли меҳнат шартномаси тузади ва ходимга тўловни ўз ҳисобидан амалга оширади.

Ходимни бошқа иш берувчига вақтинча хизмат сафарига юбориш қоида тариқасида бир йилдан кўп бўлмаган муддатга амалга оширилиши мумкин . Зарур бўлган тақдирда ходимни вақтинча хизмат сафарига юбориш муддати   хизмат сафарига юборилган ходим, ходимни вақтинча хизмат сафарига юборган иш берувчи ва ходим вақтинча хизмат сафарига юборилган иш берувчи ўртасидаги келишувга биноан  кўпи билан бир йилга узайтирилиши мумкин .

Вақтинча хизмат сафарига юборилган ходимнинг меҳнатига ҳақ тўлаш қабул қилувчи томонидан амалга оширилади. Агар у тўловга қобилиятсиз бўлса, иш учун ҳақ тўлаш мажбурияти ходимни вақтинча хизмат сафарига юборган иш берувчи зиммасига юкланади. Бундай ҳолда жўнатувчи мазкур иш берувчига нисбатан регресс даъво қўзғатиш ҳуқуқига эга . Ушбу қоидалар Ўзбекистондаги ташкилотларга татбиқ қилинади ва ходимни Ўзбекистондаги ташкилотга юборган бошқа мамлакатларда фаолият юритувчи ташкилотлар учун тўғри келмайди.