JShDS boʻyicha imtiyoz faqat OOʻYuda oʻqish uchun toʻlangan summaga qoʻllanilishi mumkin (SKning 179-moddasi 31-bandi).
Shuning uchun dastlab imtiyoz qoʻllanadigan va qoʻllanmaydigan summani aniqlab olish kerak. Qolgan summalarga imtiyoz qoʻllanmaydi, mos ravishda ularga JShDS hisoblanadi.
Korхona ish haqi tarzidagi daromadlardan belgilangan tartibda fuqarolarning majburiy sugʻurta badallarini ushlab qolib pensiya jamgʻarmasiga oʻtkazib berishi majbur. Sizning holatda jami ish haqi tarzidagi 765 649 soʻm daromadlarga 61 252soʻm sugʻurta badallari hisoblanadi (765 649 х 8%).
Shuningdek korхonangiz 128 724 soʻmovqat pulini ushlab qolmoqchi.
Demak, ish haqidan 189 976 soʻm (61252+128724) OOʻYu oʻtkazilmaydi va ushbu summa JShDSga tortiladi. Unga shkala boʻyicha hisoblangan JShDS 1330 soʻm teng boʻladi ((189 976 – 172 240) х 7,5%).
Yuqoridagilardan kelib chiqsak, korхonangiz OOʻYuga 574 343 soʻmnioʻtkazib bersa boʻladi, tegishincha ushbu summaga nisbatan imtiyozni qullasa boʻladi.
Javoblar ular e’lon qilingan sanada dolzarb hisoblanadi.