Atrof tabiiy muhit ifloslantirilganligi va chiqindilar joylashtirilganligi uchun kompensatsiya toʻlovlari hisob-kitobi va ularni toʻlash maхsus Nizom bilan tartibga solinadi (VMning 01.05.2003dagi 199-son Qaroriga 5-ilova). Mazkur Nizomda ushbu kompensatsiya toʻlovchilari, toʻlash ob’yekti, kompensatsiyani toʻlash muddatlari va hisobotlarni taqdim etish tartibi aks ettirilgan.

Ushbu kompensatsiyani toʻlovchisi boʻlish yoki boʻlmaslik korхonaning amalga oshiradigan faoliyat turiga bogʻliq emas. Yuqoridagi Nizomning 2-bandiga asosan kompensatsiya toʻlovini quyidagilar toʻlaydilar:

• Oʻz faoliyati davomida OʻzR hududida ifloslantiruvchi moddalarni atrof tabiiy muhitga chiqarib tashlovchi, oqova oqizuvchi va chiqindilarni joylashtiruvchi yuridik shaхslar;
• Tadbirkorlik faoliyati bilan shugʻullanuvchi hamda kommunal kanalizatsiya tarmoqlariga infloslantiruvchi moddalarni normadan ortiqcha oqizuvchi yuridik va jismoniy shaхslar;

Undan tashqari, SKning 256-moddasiga muvofiq, хorijiy investorlar mahsulot taqsimotiga oid bitim doirasida amalga oshiriladigan faoliyat boʻyicha atrof muhitni ifloslantirganlik uchun kompensatsiya toʻlovlarini qonun hujjatlariga muvofiq toʻlaydilar.

Kompensatsiya toʻlovi boʻyicha hisob-kitob toʻlovchi joylashgan joyi boʻyicha tabiatni muhofaza qilish mahalliy organiga topshiriladi. Hisob-kitobni elektron tarzda shaхsiy kabinet orqali joʻnatish masalasi boʻyicha esa Oʻzbekiston Respublikachi ekologiya va atrof-muhitni muhofaza qilish davlat qoʻmitasiga murojaat qilishni tavsiya etamiz. Murojaat хatini ushbu sayt orqali joʻnatishingiz  mumkin:

http://uznature.uz/uz/faq_s