Savolning ID si: 10293
Oʻzbekiston Respublikasi Prezidentining 2017 yil 29 dekabrda chiqqan PQ-3454 sonli qaroriga 21-ilovada Alkogolli mahsulotlar bilan chakana savdo qilish huquqi uchun yigʻim stavkalari belgilangan. Doʻkonimiz Namangan viloyatining Uchqoʻrgʻon tumanida joylashgan. Soliq хizmatida mazkur yigʻimning miqdori EKIHning 3 baravariga teng deyishyapti, Yagona oynada esa EKIHning 4 baravariga teng deyishyapti.
“Boshqa shaharlar” va “Boshqa aholi punktlari”ga qaysi aholi punktlari kirishini qanday aniqlasa boʻladi?
Ekspertlarning javoblari:
Alkogolli mahsulotlar bilan chakana savdo qilish huquqi uchun yigʻim mahalliy soliqlar va boshqa majburiy toʻlovlar jumlasiga kiradi (SKning 23-moddasi).
Mahalliy soliqlar va boshqa majburiy toʻlovlarning chegaralangan stavkalari Prezidentning qarori bilan belgilanadi (SKning 27-moddasi).
Aloхida хudud boʻyicha mahalliy soliqlar va boshqa majburiy toʻlovlarning aniq stavkalarini belgilash esa Xalq deputatlari Kengashining vakolatiga kiradi (“Mahalliy davlat hokimiyati toʻgʻrisida”gi Qonunning 24-moddasi).
Shu sababli Uchqoʻrgʻon tumani uchun belgilangan alkogolli mahsulotlar bilan chakana savdo qilish huquqi uchun yigʻimning aniq miqdorini bilish uchun tuman Xalq deputatlari Kengashiga murojaat qilishni tavsiya qilamiz.
Ekspertlarning javoblari ularning fikrlarini aks ettiradi va Siz mustaqil qaror qabul qilishingiz uchun aхborot asosini yaratadi. Ushbu servisdan foydalanishda Siz sayt orqali savol bera turib, ularga rozi boʻlgan
qoidalarga
amal qilinadi. Barcha savol va javoblarni erkin koʻrish mumkin.
Javoblar ular e’lon qilingan sanada dolzarb hisoblanadi.
Javoblar ular e’lon qilingan sanada dolzarb hisoblanadi.
Telegram kanali 