Саволнинг ID си: 10293
Ўзбекистон Республикаси Президентининг 2017 йил 29 декабрда чиққан ПҚ-3454 сонли қарорига 21-иловада Алкоголли маҳсулотлар билан чакана савдо қилиш ҳуқуқи учун йиғим ставкалари белгиланган. Дўконимиз Наманган вилоятининг Учқўрғон туманида жойлашган. Солиқ хизматида мазкур йиғимнинг миқдори ЭКИҲнинг 3 бараварига тенг дейишяпти, Ягона ойнада эса ЭКИҲнинг 4 бараварига тенг дейишяпти.
“Бошқа шаҳарлар” ва “Бошқа аҳоли пунктлари”га қайси аҳоли пунктлари киришини қандай аниқласа бўлади?
Экспертларнинг жавоблари:
Алкоголли маҳсулотлар билан чакана савдо қилиш ҳуқуқи учун йиғим маҳаллий солиқлар ва бошқа мажбурий тўловлар жумласига киради (СКнинг 23-моддаси).
Маҳаллий солиқлар ва бошқа мажбурий тўловларнинг чегараланган ставкалари Президентнинг қарори билан белгиланади (СКнинг 27-моддаси).
Алохида худуд бўйича маҳаллий солиқлар ва бошқа мажбурий тўловларнинг аниқ ставкаларини белгилаш эса Халқ депутатлари Кенгашининг ваколатига киради (“Маҳаллий давлат ҳокимияти тўғрисида”ги Қонуннинг 24-моддаси).
Шу сабабли Учқўрғон тумани учун белгиланган алкоголли маҳсулотлар билан чакана савдо қилиш ҳуқуқи учун йиғимнинг аниқ миқдорини билиш учун туман Халқ депутатлари Кенгашига мурожаат қилишни тавсия қиламиз.
Экспертларнинг жавоблари уларнинг фикрларини акс эттиради ва Сиз мустақил қарор қабул қилишингиз учун ахборот асосини яратади. Ушбу сервисдан фойдаланишда Сиз сайт орқали савол бера туриб, уларга рози бўлган
қоидаларга
амал қилинади. Барча савол ва жавобларни эркин кўриш мумкин.
Жавоблар улар эълон қилинган санада долзарб ҳисобланади.
Жавоблар улар эълон қилинган санада долзарб ҳисобланади.
Телеграм канали 