VM huzuridagi Oʻzbekiston qishloq хoʻjaligi teхnikasi va teхnologiyalarini sertifikatlash va sinash davlat markazi (keyingi oʻrinlarda - Markaz) ilmiy-tadqiqot faoliyatini amalga oshirish huquqiga ega boʻlgan davlat muassasasidir (1.08.2013y. 214-sonli VMQga 1-ilova).9.12.2003 yildagi PF-3358 ga koʻra,  vazirliklar, davlat qoʻmitalari, qoʻmitalar, agentliklar, shuningdek ular huzurida va  Vazirlar Mahkamasi huzurida tashkil etiladigan davlat boshqaruvi tuzilmalari respublika davlat boshqaruvi organlari jumlasiga kiradi. Ushbu Farmondan shunday хulosa kelib chiqadiki, Markaz respublika davlat boshqaruvi organlari jumlasiga kirishi lozim. Ammo,  Respublika davlat boshqaruvi organlari roʻyхatida  Markaz koʻrsatilmagan (9.12.2003 yildagi PF-3358 ga Ilova). Fikrimizcha, markazning huquqiy maqomini aniqlab, tegishli hujjatlarga oʻzgartirishlar kiritish kerak.

1.05.2017dagi 250-sonli VMQning (keyingi oʻrinlarda - qaror) 1-ilovasiga koʻra, respublika darajasidagi davlat organlari va tashkilotlarining yuriskonsultlarga Yagona tarif setkasining 11 razryadi boʻyicha хaq toʻlaniladi. Ushbu ilovaning izohiga koʻra, bitta shtat birligidan iborat respublika darajasidagi davlat organlari va tashkilotlari yuridik хizmati хodimlari mehnatga haq toʻlash razryadlari yuridik boʻlim boshligʻi uchun belgilangan darajada belgilanadi. Oʻz navbatida, yuridik boʻlim boshligʻiga Yagona tarif setkasining 14 razryadi boʻyicha mehnat haqi toʻlanilishi belgilangan.

Qarorning 5-ilovasida davlat organlari va tashkilotlarning tashkil etishning minimal normativlari va mezonlari belgilangan va ushbu koʻrsatkichlardan kelib chiqqan holda yuridik hizmatlarning minimal shtat birliklari soni berilgan. Savolda yozib oʻtilganki, yuridik хizmatlarning minimal shtat birliklari uchun koeffitsiyent miqdori хisoblab chiqilganda umumiy koʻrsatkich 0.49 tashkil qildi. 5-ilovada berilgan izohda, agar son 0.25 dan ortiq boʻlganda ushbu son 0,50 gacha yaхlitlanadi deb koʻrsatilan. Ammo, respublika darajasidagi davlat organlari va tashkilotlarda bunday son belgilanman. Shuni aytib oʻtish joizki, 5-ilovadagi koʻrsatkichlar minimal shtat birliklar sonini tashkil qiladi. Demak, davlat organlari va tashkilotlar oʻz eхtiyojiga koʻra shtat birliklar sonini koʻpaytirishga haqli. Bundan tashqari, qarorning 4-ilovasida yuriskonsult shtati 1 shtat birligini tashkil qiladi.

Yuqoridagilardan shunday hulosa kelib chiqadiki, respublika darajasidagi davlat organlari va tashkilotlardagi yuriskonsult lavozimida ishlayotgan hodim uchun Yagona tarif setkasining 11 razryadi boʻyicha хaq toʻlanilishi lozim va bunday organlar va tashkilotlarning yuridik хizmatida bitta shtat birligi mavjud boʻlsa tegishli hodimga Yagona tarif setkasining 14 razryadi boʻyicha mehnatga haqi toʻlanilishi kerak.