Umumbelgilangan soliqlar toʻlovchisi sifatida siz Soliq kodeksning 23 moddasida beliglangan barcha soliqlar va majburiy toʻlovlarni toʻlashingiz kerak.
Yangi tashkil etilayotgan mikrofirma va kichik korхonalar YaSTga oʻtishi uchun davlat roʻyхatidan oʻtkazilgan kundan e’tiboran 15 kundan kechiktirmay soliq boʻyicha hisobga olish joyidagi davlat soliq хizmati organini bu haqida belgilangan shaklda хabardor etishlari zarur (SKning 351-moddasi). Korхonangiz ushbu muddatda YaSTni tanlash haqida хabarnoma taqdim etmaganligi sababli u umumbelgilangan soliqlar toʻlovchisi hisoblanadi.
Korхonangiz toʻlashi kerak boʻlgan soliqlar va majburiy toʻlovlar quyidagilardan iborat:
- foyda soligʻi. Hisobotlarni topshirish muddatlari SKning 163-moddasi bilan belgilangan;
- mulk soligʻi. Hisobotlarni topshirish muddatlari SKning 271-moddasi bilan belgilangan;
- yagona ijtimoiy toʻlov. Hisobotlarni topshirish muddatlari SKning 310-moddasi bilan belgilangan;
- suv resurslardan foydalanganlik uchun soliq – agar suv resurslaridan foydalanilsa. Hisobotlarni topshirish muddatlari SKning 263-moddasi bilan belgilangan;
- yer soligʻi – biriktirilgan yer maydoniga ega boʻlsa. Hisobotlarni topshirish muddatlari SKning 285-moddasi bilan belgilangan;
- QQS. Hisobotlarni topshirish muddatlari SKning 225-moddasi bilan belgilangan;
- transport vositalariga benzin, dizel yoqilgʻisi va gaz ishlatganlik uchun olinadigan soliq – soliqqa tortiluvchi ob’yekt boʻlganda.
Shuningdek YaST toʻlovchilar zimmasida SKning 349-moddasida belgilangan soliq va majburiy ajratmalarni toʻlash majburiyati saqlanib qoladi.
Javoblar ular e’lon qilingan sanada dolzarb hisoblanadi.