Умумбелгиланган солиқлар тўловчиси сифатида сиз Солиқ кодекснинг 23 моддасида белигланган барча солиқлар ва мажбурий тўловларни тўлашингиз керак.

Янги ташкил этилаётган микрофирма ва кичик корхоналар ЯСТга ўтиши учун давлат рўйхатидан ўтказилган кундан эътиборан 15 кундан кечиктирмай солиқ бўйича ҳисобга олиш жойидаги давлат солиқ хизмати органини бу ҳақида белгиланган шаклда хабардор этишлари зарур (СКнинг 351-моддаси). Корхонангиз ушбу муддатда ЯСТни танлаш ҳақида хабарнома тақдим этмаганлиги сабабли у умумбелгиланган солиқлар тўловчиси ҳисобланади.

Корхонангиз тўлаши керак бўлган солиқлар ва мажбурий тўловлар қуйидагилардан иборат:

• фойда солиғи. Ҳисоботларни топшириш муддатлари СКнинг 163-моддаси билан белгиланган;
• мулк солиғи. Ҳисоботларни топшириш муддатлари СКнинг 271-моддаси билан белгиланган;
• ягона ижтимоий тўлов. Ҳисоботларни топшириш муддатлари СКнинг 310-моддаси билан белгиланган;
• сув ресурслардан фойдаланганлик учун солиқ  – агар сув ресурсларидан фойдаланилса. Ҳисоботларни топшириш муддатлари СКнинг 263-моддаси билан белгиланган;
• ер солиғи – бириктирилган ер майдонига эга бўлса. Ҳисоботларни топшириш муддатлари СКнинг 285-моддаси билан белгиланган;
• ҚҚС. Ҳисоботларни топшириш муддатлари СКнинг 225-моддаси билан белгиланган;
• транспорт воситаларига бензин, дизель ёқилғиси ва газ ишлатганлик учун олинадиган солиқ – солиққа тортилувчи объект бўлганда.

Шунингдек ЯСТ тўловчилар зиммасида СКнинг 349-моддасида белгиланган солиқ ва мажбурий ажратмаларни тўлаш мажбурияти сақланиб қолади.