Soliq toʻlovchilarning daromadlari hamda soliqlar va boshqa majburiy toʻlovlarni hisoblab chiqarish uchun ular boʻyicha tegishli chegirmalar toʻlov toʻlangan vaqt va pul kelib tushgan sanadan qat’i nazar, ular taalluqli boʻlgan hisobot davrida aks ettiriladi (hisoblab yozish usuli) (SKning 39-moddasi 2-хatboshisi).

Terminal orqali plastik kartadan pul yechib olish yoʻli bilan tovarlar realizatsiya qilinganida, plastik kartadan pul yechib olingan kuni tovar mijozga topshiriladi va aynan shu kun realizatsiya sanasi boʻlib hisoblanadi.

Yechib olingan pulning hisobraqamga kechikib kelishi – bu tabiiy hol. Mijozdan olingan pulni aks ettirish uchun buхgalteriyada 5700 schyotlar guruhida qoʻshimcha schyot ochiladi, masalan 5720 “Yoʻldagi pul mablalari – Terminal”.

Buхgalteriya oʻtkazmalari

Plastik kartadan yechib olingan pullarni aks ettirish uchun:

Dt 5720 “Yoʻldagi pul mablalari – Terminal”

            Kt 9010 “Tovarlarni sotishdan daromad”

Ushbu oʻtkazma kuniga bir marta, kun davomida terminal karta orqali qabul qilingan jami summaga berilishi mumkin.

Pul mablagʻi hisobraqamga kelib tushganida:

Dt 5110 “Hisob-kitob schyoti”

            5720 “Yoʻldagi pul mablalari – Terminal”

Ushbu oʻtkazma hisobraqamga kelib tushgan summaga beriladi. Hisobraqamga pul mablagʻlari boʻlaklarga boʻlingan holda bir necha kun davomida kelib tushishi mumkin.