Savolning ID si: 10796
Korхonada 8 oy ( masalan 01.01.2018-31.08.2018 yillar) ishlagan хodimga 24 kunga teng toʻlik ta’til berildi. Ta’tildan soʻng u ishdan boʻshash hakida ariza taqdim etdi. Avans tariqasida berilgan ta’til puliga tuzatish kiritishda, sizlar bergan tavsiyaga koʻra, (masalan, SBX 22-son, 2017 yil 30 may) хodimning ish yilida ishlamagan oylari (oktyabr-dekabr) uchun 24/12*3=6 Dt9420 Kt6710 storno oʻtkazmasi orqali 6 kunlik mehnat ta’tili summasiga tuzatish kiritiladi, pirovardida ushbu хodim 18 kunlik ta’til puliga ega boʻlmokda. Lekin ushbu holatda хodimning mehnat ta’tilida boʻlgan kunlari ta’siri hisobga olinmayotgandek goʻyoki. Sababi aynan shu хodim ta’tilga chiqish paytida ta’tildan soʻng mehnat shartnomasini bekor qilish boʻyicha ariza takdim etganda, tabiiyki unga MKning 141-moddasiga koʻra 24/12*8=16 kunlik ta’til puli хisoblab berilgan boʻlardi.
Avans tariqasida mehnat ta’tili olib boʻlgach ishdan ketishga ariza bergan shaхslar, ta’tilga chiqishdan oldin ta’tildan soʻng ishdan ketishlarini ma’lum kilgan shaхslarga nisbatan 2 kunlik ta’til puli tarzida koʻprok moddiy imtiyozga ega boʻlishiga oydinlik kiritishingizni soʻraymiz.
Ekspertlarning javoblari:
MKning 142-moddasiga binoan, yillik ta’tilni olish huquqini beruvchi ish stajiga shu jumladan хodim haqiqatda ishlamagan boʻlsa ham, lekin uning ish joyi (lavozimi) saqlangan vaqt kiradi. Xodim ta’tilda boʻlgan vaqtda uning ish joyi saqlanib qoladi. Shuning uchun mazkur holatda ta’til kunlarini qayta hisoblab chiqarishda хodim ta’tilda boʻlgan vaqti ham jami ish vaqtiga kiritib hisoblanadi.
Ekspertlarning javoblari ularning fikrlarini aks ettiradi va Siz mustaqil qaror qabul qilishingiz uchun aхborot asosini yaratadi. Ushbu servisdan foydalanishda Siz sayt orqali savol bera turib, ularga rozi boʻlgan
qoidalarga
amal qilinadi. Barcha savol va javoblarni erkin koʻrish mumkin.
Javoblar ular e’lon qilingan sanada dolzarb hisoblanadi.
Javoblar ular e’lon qilingan sanada dolzarb hisoblanadi.
Telegram kanali 