Yagona ijtimoiy toʻlov (YaIT) summasini hisoblab chiqarish va toʻlash, u boʻyicha soliq hisobotini tuzish SKning 51-Bobi, “YaITning eng kam miqdori kiritilishi munosabati bilan YaITni hisoblab chiqarish va toʻlash tartibi toʻgʻrisidagi NIZOM” (AVda 2010 yil 13 aprelda 2095-son bilan roʻyхatga olingan) hamda “YaIT va fuqarolarning byudjetdan tashqari Pensiya jamgʻarmasiga sugʻurta badallari boʻyicha SOLIQ HISOBOTI ShAKLLARI” (AVda 2013 yil 22 martda 2439-son bilan roʻyхatga olingan)ga muvofiq amalga oshiriladi.
Agar Soliq kodeksiga (SK) muvofiq hisoblab chiqilgan YaIT summasi YaITning eng kam miqdoridan kam boʻlsa, u holda YaITning eng kam miqdorining SKga muvofiq hisoblab chiqilgan YaIT summasidan ortgan qismiga qoʻshimcha YaIT hisoblanadi. Agarda koʻp yoki unga teng boʻlsa, u holda YaITning SKga muvofiq hisoblab chiqilgan summa toʻlanishi kerak.
Savolda keltirilgan misolga qaraganda, YaITning Soliq Kodeksiga muvofiq hisoblab chiqarilgan summasi 150 000 soʻmga teng, eng kam miqdori esa 111 956 soʻmga teng. Koʻrinib turibdiki, SKga muvofiq hisoblab chiqilgan YaIT uning eng kam miqdoridan katta, demak byudjetga 150 000 soʻm toʻlanadi. Qoʻshimcha YaIT hisoblanmaydi. YaIT hisob-kitobining 070 satri “hisobot davrida toʻlanishi lozim boʻlgan summa”da ham 150 000 soʻm aks ettiriladi.
Yuqorida koʻrsatilgan qonun hujjatlari bilan batafsil tanishib chiqishni tavsiya etamiz.
Javoblar ular e’lon qilingan sanada dolzarb hisoblanadi.