3.5 %li majburiy ajratmalar boʻyicha soliq solish ob’yekti
Davlat maqsadli jamgʻarmalagiga ajratmalar boʻyicha soliq solish ob’yekti Soliq Kodeksining 313-moddasida belgilangan. Lekin Soliq Kodeksiga 2018 yildan amal qiluvchi oʻzgarishlar kiritilguniga qadar uning 313-moddasida soliq solish ob’yekti don mahsulotlarini qabul qilish va donni qayta ishlash korхonalari uchun alohida aniqlashtirilmagan. 2017 yil uchun Oʻzdonmahsulot AK tarkibiga kiruvchi korхonalar tomonidan davlat maqsadli jamgʻarmalariga toʻlanadigan ajratmalar boʻyicha soliq solish ob’yekti Oʻzbekiston Respublikasi Prezidentining 2016 yil 27 dekabrdagi PQ-2699-son Qaroriga 23-ilovada belgilangan. Unga asosan "Oʻzdonmahsulot" AK tashkilotlari (gʻalla qabul qilish korхonalari va gʻalla qabul qilish faoliyatini amalga oshiruvchi donni qayta ishlash korхonalari) uchun ajratmalar solish ob’yekti – QQS chegirilgan holda ustama va chegirmadir.
Bizning fikrimizcha, Oʻzdonmahsulot AK tarkibiga kiruvchi korхonalar uchun 2017 yilda ajratmalar solish ob’yekti aynan shu tashkilotga kiruvchi korхonalar uchun alohida belgilangan boʻlib, qabul qilingan don mahsulotini qayta sotish yoki qayta ishlashga bogʻliq emas. Ular uchun ajratmalar solish ob’yekti aynan ustama (chegirmalar berilgan boʻlsa, ular bilan birga) hisoblanadi. Mazkur korхonalar uchun ajratmalar solish ob’yekti ushbu korхonalarning oʻz vazifalarini bajarishdagi ish spetsifikasidan kelib chiqqan holda belgilangan (Oʻzdonmahsulot AKning vazifalari VMning 06.08.2004 yildagi 376-son qarorida bayon etilgan).
Javoblar ular e’lon qilingan sanada dolzarb hisoblanadi.