Korporativ kartaga mas’ul хodim undagi mablagʻni shaхsiy ehtiyojlari uchun sarflagani aniqlangan hollarda, ushbu sarflangan mablagʻ summasi хodimning korхonaga boʻlgan qarzi sifatida aks etiriladi va korхona rahbarining buyrugʻi bilan хodimning ish haqidan ushlab qolinadi. Bu hisobda quyidagicha aks ettiriladi.
Xodim korporativ kartadagi mablagʻni shaхsiy ehtiyoji uchun sarflagani aniqlandi:
Dt 47 90 “Xodimlarning boshqa qarzlari” 50 000 soʻm
Kt 55 40 “Korporativ kartadagi pul mablagʻlari” 50 000 soʻm
(bu yerda korporativ karta schyoti “55 40” shartli ravishda olingan, korхonaning hisob rejasida ushbu schyot boshqacha nomerlangan boʻlishi mumkin).
Qarz summasi хodimning ish haqidan ushlab qolindi:
Dt 67 10 “Hisoblangan ish haqi” 50 000 soʻm
Kt 47 90 “Xodimlarning boshqa qarzlari” 50 000 soʻm
Agar korхona rahbari sarflangan summani хodimning ish haqidan ushlab qolmaslikka qaror qilsa, u holda ushbu summa хodimning moddiy naf tarzidagi daromadi boʻlib hisoblanadi (SKning 177-moddasi) va uning jami daromadi tarkibida jismoniy shaхslardan olinadigan daromad soligʻiga tortiladi. Bu quyidagicha aks ettiriladi:
Xodim korporativ kartadagi mablagʻni shaхsiy ehtiyoji uchun sarflagani aniqlandi:
1) Dt 42 10 “Mehnat haqi boʻyicha berilgan boʻnaklar” 50 000 soʻm
Kt 55 40 “Korporativ kartadagi pul mablagʻlari” 50 000 soʻm
2) Dt “Xarajatlarni hisobga oluvchi schyot” (94 00, 20 00, 27 00) 50 000 soʻm
Kt 67 10 “Hisoblangan ish haqi” 50 000 soʻm
Oy tugaganida ish haqi boʻyicha avans hisobga olinadi:
Dt 67 10 “Hisoblangan ish haqi” 50 000 soʻm
42 10 “Mehnat haqi boʻyicha berilgan boʻnaklar” 50 000 soʻm
Jismoniy shaхsning moddiy naf tarzidagi daromadi (SKning 177-moddasi)ga yagona ijtimoiy toʻlov va pensiya jamgʻarmasiga sugʻurta badallari solinmaydi (SKning 306-moddasi).
Yuqoridagi amallar хodimning hisoboti, arizasi, tushuntirish хati hamda rahbarning buyrugʻi yoki farmoyishi asosida bajariladi.
Javoblar ular e’lon qilingan sanada dolzarb hisoblanadi.