Soliq Kodeksining 179-moddasi 31-bandiga muvofiq, fuqarolarning soliq solinadigan ish haqi va boshqa daromadlarining Oʻzbekiston Respublikasi oliy oʻquv yurtlarida oʻzining oʻqishi yoki yigirma olti yoshga toʻlmagan farzandlarining oʻqishi uchun yoʻnaltiriladigan summalariga soliq solinmaydi. Ushbu imtiyozni qoʻllash AVda 27.05.2010 yilda 2107-son bilan roʻyхatdan oʻtgan Nizomga asosan tartibga solinadi.
Mazkur Nizomda va shuningdek SKda yosh boʻyicha qoʻyilgan cheklov faqat ota-ona oʻz farzandining oʻqishi uchun pul toʻlaydigan holatlarga tegishli. Yoshi yigirma oltidan oshgan talaba oʻz ish haqisi va boshqa daromadlarini oʻzining OʻzR oliy oʻquv yurtlarida oʻqishi uchun yoʻnaltirsa, u yuqorida koʻrsatilgan soliq imtiyozidan foydalanish huquqiga ega boʻladi.
Javoblar ular e’lon qilingan sanada dolzarb hisoblanadi.