Саволнинг ID си: 11494
1992 йил 16 октябрда туғилганман, ёшим 26 да. Шу 2018 йилнинг сентябрида ЎзР Корпоратив бошқарув илмий-таълим марказига ўкишга кирмоқчиман.
Йигирма олти ёшга кирган шахс олий ўқув юртида ўзининг ўқиши учун контракт пулини ўз иш ҳақисидан тўласа Солиқ кодексининг 179-моддаси 31-бандига асосан бериладиган солиқ имтиёзидан фойдаланиши мумкинми?
Экспертларнинг жавоблари:
Солиқ Кодексининг 179-моддаси 31-бандига мувофиқ, фуқароларнинг солиқ солинадиган иш ҳақи ва бошқа даромадларининг Ўзбекистон Республикаси олий ўқув юртларида ўзининг ўқиши ёки йигирма олти ёшга тўлмаган фарзандларининг ўқиши учун йўналтириладиган суммаларига солиқ солинмайди. Ушбу имтиёзни қўллаш АВда 27.05.2010 йилда 2107-сон билан рўйхатдан ўтган Низомга асосан тартибга солинади.
Мазкур Низомда ва шунингдек СКда ёш бўйича қўйилган чеклов фақат ота-она ўз фарзандининг ўқиши учун пул тўлайдиган ҳолатларга тегишли. Ёши йигирма олтидан ошган талаба ўз иш ҳақиси ва бошқа даромадларини ўзининг ЎзР олий ўқув юртларида ўқиши учун йўналтирса, у юқорида кўрсатилган солиқ имтиёзидан фойдаланиш ҳуқуқига эга бўлади.
Экспертларнинг жавоблари уларнинг фикрларини акс эттиради ва Сиз мустақил қарор қабул қилишингиз учун ахборот асосини яратади. Ушбу сервисдан фойдаланишда Сиз сайт орқали савол бера туриб, уларга рози бўлган
қоидаларга
амал қилинади. Барча савол ва жавобларни эркин кўриш мумкин.
Жавоблар улар эълон қилинган санада долзарб ҳисобланади.
Жавоблар улар эълон қилинган санада долзарб ҳисобланади.
Телеграм канали 