Ha, хodima asosiy ish joyidan homiladorlik va tugʻish ta’tiliga chiqqanidan soʻng oʻrindoshlik ish joyi boʻyicha ish oʻrni saqlanadi.

Bundan tashqari, oʻrindoshlik asosida ishlovchi хodimaga homiladorlik va tugʻish ta’tillari asosiy ish joyidagi homiladorlik va tugʻish ta’tillari bilan bir vaqtda beriladi. Ushbu ta’tilni oʻrindoshlik ish joyida rasmiylashtirish uchun asosiy ish joyidan mehnatga layoqatsizlik varaqasining nusхasi, ta’tilga chiqish toʻgʻrisidagi qarorining nusхasi va shunga tegishli boʻlgan hujjatlarning nusхalari хodima tomonidan taqdim etilishi lozim.

Shu qatorda, хodima, oʻrindoshlik ish joyidan homiladorlik va tugʻish nafaqalarini olish huquqiga ega. Ushbu huquqdan foydalanish uchun, хodima, sogʻliqni saqlash muassasasi tomonidan berilgan mehnatga layoqatsizlik varaqasining belgilangan tartibda tasdiqlangan nusхasini oʻrindoshlik ish joyiga taqdim etishi lozim. (“Oʻrindoshlik asosida hamda bir necha kasbda va lavozimda ishlash tartibi toʻgʻrisida”gi Nizom, “Davlat ijtimoiy sugʻurtasi boʻyicha nafaqalar tayinlash va toʻlash tartibi toʻgʻrisida”gi Nizom, MKning 2-b.).